सामाजिक सञ्जाल फेसबुकका प्रमुख मार्क जुकरबर्गले अमेरिकी राष्ट्रपति डोनाल्ड ट्रम्पको हिंसालाई ‘प्रोसाहित्त’ गर्ने खालको पोस्ट नहटाएर ‘खतरनाक उदहारण’ प्रस्तुत गरेको भन्दै नागरिक अधिकारीका अगुवाले आलोचना गरेका छन् ।
ट्वीटरले चेतावनी सूचक राखेर हाइड गरेको ट्रम्पको ट्वीटमै रहेको व्यहोरासहितको पोस्ट भने फेसबुकले हाइड गरेको वा हटाएको छैन ।
प्रहरी हिरासतमा अश्वेत निहत्था व्यक्ति जर्ज फ्लोइडको निधन भएपछि रंगभेद विरुद्ध अमेरिकाभर प्रदर्शन भइरहेको छ । एक सातादेखि जारी प्रदर्शन केही स्थानमा हिंसात्मक पनि बनेको छ र केही ठाउँमा लुटपाट तथा तोडफोड भएका छन् ।
ट्रम्पले आन्दोलन दबाउन हरसम्भव प्रयास गर्ने सार्वजनिक रुपमै घोषणा गरेका छन् । उनले सेना परिचालन गर्ने चेतावनी पनि दिएका छन् ।
ट्रम्पले चेतावनीको भाषामा फेसबुकमा ‘ह्वेन लुटिङ्ग स्टार्ट्स, द सुटिङ्ग स्टार्ट्स’ अर्थात जब लुट सुरु हुन्छ, तब सुट ९गोली० पनि सुरु हुन्छ भनेर पोस्ट गरेका छन् । सोही व्यहोराको ट्वीटले हिंसालाई ‘ग्लोरीफाइ’ गरेको भन्दै ट्वीटरले हाइड गरेको थियो ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
