काठमाडौं । रोजर फेडेररले चोटका कारण यस बर्षको पूरा सिजन बाहिर रहने भएका छन् ।
खुट्टाको चोटका कारण फेडेरर यस बर्षको बाँकी सिजन कोर्ट बाहिर रहने पक्का भएको हो ।
२० पटकका ग्रान्डस्लाम विजेताले गत फेब्रुअरीमा शल्यक्रिया गरेका थिए । पुर्नस्थापनाको क्रममा रहेका फेडेररले आफुलाई चोटको महशुश भएको बताएका छन् । कोरोना भाईरसका कारण व्यवसायीक टेनिस मार्चबाट स्थगित अवस्थामा रहेको छ ।
सन् २०२१ को सुरुवातमा कोर्टमा फर्कन आफू उत्सुक रहेको फेडररको भनाइ छ । जनवरीमा अष्ट्रेलियन ओपनको सेमिफाईनलमा नोभाक जोकोभिचसंग पराजित भएपछि फेडेरर खेलमा देखिएका छैनन् ।
चोटका कारण उनले सन् २०१६ को सिजनका अधिकांश खेल गुमाउन पुगेका थिए । चोटबाट फर्किएपछि फेडेररले अष्ट्रेलियन ओपन र विम्वल्डन ओपन टेनिस जितेका थिए । उनले बुधबार ट्वीटरमा लेख्दै पुर्नस्थापनाको क्रममा नराम्रो झट्का महशुश भएको उल्लेख गरेका छन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
