काठमाडौं । इंग्लिस प्रिमियर लिग फुटबल अन्तर्गत पछिल्लो खेलमा आर्सनल स्तब्ध भएको छ । अवे मैदानमा भएको खेलमा इन्जुरी समयको गोलले आर्सनल ब्राइटनसँग पराजित भएको हो ।
घरेलु टोली ब्राइटन सुरुमा पछि परेर पनि २-१ को जित निकाल्न सफल भयो । पहिलो हाफमा दुवै तर्फबाट गोल नभएको खेलमा ६८ औँ मिनेटमा निकोलास पेपेले आर्सनलका लागि गोल गरे । ७५ औँ मिनेटमा लुइस डंकले ब्राइटनका लागि बराबरी गोल गरे ।
इन्जुरी समयको पाँचौँ मिनेटमा निल माउपेले गोल गरेपछि ब्राइटन विजयी भयो । जितपति १५ औँ स्थानको ब्राइटनको ३० खेलबाट ३२ अंक भएको छ । १० औँ स्थानमा रहेको आर्सनलको ३० खेलबाट ४० अंक छ ।
लिग अन्तर्गत शनिबार राति नै भएका खेलमा वुल्भ्सले वेष्ट ह्याम तथा क्रिष्टल प्यालेसले बोर्नमाउथलाई समान २-० ले हराए भने लेस्टर सिटी र वाट्फोर्डले १-१ को बराबरी खेलेका छन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
