काठमाडौं । राप्रपा निकट राष्ट्रिय प्रजातान्त्रिक युवा संगठनले कोभिड १९ को सवल व्यवस्थापनको माग गर्दै पाटन ललितपुरमा अनसनरत युवाहरुको संघर्षमा ऐक्यवद्धता व्यक्त गरेको छ ।
संगठनका अध्यक्ष प्रकाश रिमालको अध्यक्षतामा राप्रपा केन्द्रीय कार्यालय धुम्वाराहीमा सम्पन्न पदाधिकारी बैठकले कोभिड १९ को सवल व्यवस्थापनको माग गर्दै पाटन ललितपुरमा अनसनरत युवाहरुको संघर्षमा ऐक्यवद्धता जनाउदै अनसनरत युवाहरुसँग चाँडोभन्दा चाँडो वार्ताको माध्यमबाट समस्या समाधानको माग समेत गरेका छन् ।
संगठनले ‘राप्रयुसं संयुक्त’ लाई राप्रयुसंसँग एकतावद्ध हुन आव्हान समेत गरेको छ । त्यस्तै बैठकले एकताको लागि छलफल तथा सहजीकरण गर्न राप्रयुसं संयुक्तसँग वार्ता गर्नको लागि राप्रयुसंको तर्फबाट पार्टीका केन्द्रीय सदस्य तथा संगठनका महासचिब विनोद कुमार भारतीको संयोजकत्वमा दामोदर वाग्ले, जगदिश राजभण्डारी, हिक्मतजंग कार्की र सुजित के.सी. सदस्य रहनुभएको वार्ता समिति बनाएको छ ।
