काठमाडौं । दक्षिण अफ्रिकाले कोरोना भाइरसको संक्रमण नियन्त्रण गर्न मदिरामा प्रतिबन्ध लगाएको छ ।
पछिल्लो केही दिनयता संक्रमणको दर तीव्र भएपछि सरकारले नयाँ घोषणा गर्दै मदिराजन्य पदार्थको बिक्री बितरणमा पूर्ण रोक लगाएको हो ।
सरकारले गएरातीबाट कफ्र्यूसमेत घोषणा गर्दै सबैलाई मास्क लगाउन अनिवार्य गरेको छ । घर बाहिर निस्कदा कसैले मास्क नलगाए कडा कारवाही गर्ने चेतावनी सरकारले दिएको छ । राष्ट्रपति सिरिल रामफोसाले मदिरामा लगाएको प्रतिबन्धले देशको स्वास्थ्य व्यवस्थामा पर्ने दबाब कम हुने विश्वास व्यक्त गरे ।
दक्षिण अफ्रिकामा संक्रमितको संख्या करिब तीन लाख पुगेको छ भने चार हजार भन्दा बढीले ज्यान गुमाएका छन् । सरकारी अध्ययनका अनुसार ५० हजार भन्दा बढीको मृत्यु हुनसक्ने देखिएको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
