पुष्कर भट्ट,कञ्चनपुर । शुक्लाफाँटा नगरपालिका–७को वडा कार्यालयमा अज्ञात समूहले आगजनी गरेको छ । अज्ञात समूहले बुधबार राति वडा कार्यालयमा आगजनी गरेको हो ।
झ्यालको सिसा फुटाएर कार्यालयमा आगजनी गरिएको वडा अध्यक्ष जगत सिहले बताएका छन । झ्यालको सिसा फुटाएर पेट्रोल छर्केर आगजनी गरेको अध्यक्ष सिहले बताए ।कार्यालयको तीन कोठामा आगजनी भएको छ ।
कार्यालयको कम्प्युटर, सोफा, कार्पेट, कुर्सी र टेबुल जलेको उनी बताउँछन् ।
वडा अध्यक्ष को कार्यकक्ष बाहेक अन्य कोठामा आगजनी गरिएको छ । वडा सचीव , सभाहल र प्राविधिक बस्ने कोठामा आगो लगाइएको छ । आगजनी बाट कम्प्युटर जलेर नस्ट भएको छ भने कार्यालय का कागजपत्र आंशिक जलेका छन् ।
घटनाको अनुसन्धान भइरहेको जिल्ला प्रहरी कार्यालय कंचनपुर का प्रहरी नायब उपरीक्षक अमर ब थापाले बताए । क्षतिको विवरण संकलनका साथै प्रारम्भिक अनुसन्धान गरिरहेको उनको भनाइ छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
