कृत विष्ट, धनगढी। जल तथा मौसम विज्ञान विभागले देशभर सामान्य देखि पूर्ण बदली रही सुदूरपश्चिमका केही स्थानहरुमा हल्का देखि मध्यम बर्षा भइरहेको जनाएको छ।
आज दिउँसो देशभर अधिकांश बदली रही धेरै स्थानहरुमा हल्का देखि मध्यम वर्षाको सम्भावना रहेको महाशाखाले जनाएको छ।
सुदूरपश्चिम प्रदेशका एक वा दुई स्थानहरुमा मेघगर्जन, चट्याङ्ग सहित भारी वर्षाको सम्भावना रहेको छ। राति सुदूरपश्चिमका थोरै स्थानहरुमा भारी वर्षाको सम्भावना रहेको विभागले जनाएको छ।
यस्तै विभागले विभिन्न नदिमा बाढी आउन सक्ने भन्दै मोवाइलमा म्यासेज पठाएर सतर्कता अपनाउन समेत आग्रह गरेको छ।
‘हाल कैलालीको टिकापुर, चिसापानी लगायत कैलाली र कञ्चनपुरको धेरै स्थानमा भारी बर्षा भएको,थप बर्षा हुने देखिएकोले कान्द्रा, मोहना, घुराहा, खुट्टिया, स्याउली, चौधर लगायत साना नदीमा बाढी आउन सक्छ।
बिहान १० बजे सम्म सतर्क रहौं।’ जल तथा मौसम विज्ञान विभागले पठाएको म्यासेजमा भनिएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
