पोखरा ।
पोखरामा जारी पोखरा प्रिमियर लिगमा आज दुई खेल हुँदै छन्।
आज हुने पहिलो खेलमा शरद भेषवाकरको कप्तानीमा रहेको पोखरा पल्टन र सोमपाल कामीको कप्तानीमा रहेको बुटवल ब्लास्टर खेल्दैछन्। ३ खेल खेलेर १ खेलमात्र जितेको पोखरालाई आज जित निकाल्नु पर्ने दवाव देखिन्छ। पहिलो खेलमा काठमाडौंलाई हराएको पोखरा दोस्रो खेलमा चितवनसँग र तेस्रो खेलमा बिराटनगरसँग पराजित भएको थियो।
यता बुटवल भने पहिलो खेलमा काठमाडौंलाई सुपरओभरमा हराए पनि दोस्रो खेलमा चितवनसँग पराजित भएको थियो। पहिलो खेल बिहान ९ बजेबाट शुरु भएको छ।
आजै हुने दोस्रो खेलमा एक्सपर्ट धनगढी र चितवन राइनोज खेल्दै छन्। पारस खड्काको कप्तानीमा रहेको चितवन राइनोज प्रतियोगितामा अपराजित टोली हो। चितवनले पहिलो खेलमा पोखरा र दोस्रो खेलमा बुटवललाई हराएको थियो।
अर्कोतर्फ दीपेन्द्रसिंह ऐरीको कप्तानीमा रहेको धनगढीले पहिलो खेलमा बिराटनगरलाई हराए पनि दोस्रो खेलमा काठमाडौंसँग पराजित भएको थियो। दोस्रो खेल दिउँसो पौने १ बजे शुरु हुनेछ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
