इटहरी २ मा रहेको इपि ल्याण्ड एण्ड वाटर पार्क उद्घाटन

इटहरी । निजी क्षेत्रको विकास विना राज्यको विकास नहुने नेपाल उद्योग वाणिज्य महासंघका पुर्व अध्यक्ष चण्डिराज ढकालले वताएका छन।

सुनसरीको इटहरी २मा रहेको इपि ल्याण्ड एण्ड वाटर पार्क उद्घाटन कार्यक्रममा बोल्दै महासंघका पुर्व अध्यक्ष ढकालले निजी क्षेत्रको विकास विना राज्यको विकास हुन नसक्ने वताएका हुन । उनले निजी क्षेत्रको लगानी बिना रोजगारीको अवसर सृजना हुदैन रोजगारीको सृजना विना स्थीर राजनिति स्थापित हुन नसक्ने भन्दै राज्यले निजी क्षेत्रसंग सहकार्य गर्नु पर्नेमा जोड दिए ।

३० करोडको लागतमा सञ्चालनमा ल्याइएको इपि ल्याण्ड एण्ड वाटर पार्क उद्घाटन कार्यक्रम संस्कृति तथा पर्यटन मन्त्री भानभक्त ढकालको प्रमुख आतिथ्यतामा भएको थियो । सो अवसरमा प्रमुख अतिथी ढकालले निजी क्षेत्रसंग सहकार्य गरि सम्भावना बोकेका क्षेत्रहरुमा सरकारले समेत लगानी गर्ने वताए ।

नेपालमै पहिलो पटक हिउँसंग जोडिने खेलहरु समावेश भएको वाटर पार्क सञ्चालनमा ल्याएको सो अवसरमा जानकारी गराइएको थियो ।

इपि ल्याण्ड वाटर पार्क बालबालिका ,तन्नेरी देखि जेष्ठ नागरिकहरुलाई समेत पारिवारिक आनन्द दिलाउने उद्धेश्यले सञ्चालनमा ल्याइएको पार्कका सञ्चालक मध्येका ज्ञानविक्रम शाहले जानकारी दिए ।

उनले पानीसंग खेलिने अत्याधुनिक वाटर स्लाइट, समुद्रको छालमा बसेको अनुभुति हुने वेभ पुल , बोटिगं गर्दै लोप भई सकेका डाइनोसर लगायतका जनावरको आवाज सहित अवलोकन , जिप लाइन , वाल क्लाइम्बिगं , स्नो पार्क हिउँको आनन्द लिन सकिने र वाल उद्यान समेत रहेका वताइयो ।

पार्क इटहरी उद्योग वाणिज्य संघका अध्यक्ष भीमबहादुर पौडेल , जगत वस्नेत , कृष्ण बस्नेत लगायतले संयुक्त रुपमा सञ्चालनमा ल्याएका हुन ।