काठमाडौं । गृहमन्त्री रामबहादुर थापा राष्ट्रिय सभा सांसद पदका संगै मन्त्री पदबाट पनि मुक्त भएका छन् ।
नेकपा माओवादी केन्द्रले मन्त्री थापालाई एमालेमा लागेकोमा कारबाही गर्दै पार्टीबाट निष्कासन गरिएको पत्र संघीय संसद सचिवालयमा पठाएको थियो ।
सोही पत्रका आधारमा राष्ट्रिय सभा अध्यक्ष गणेश तिमिल्सिनाले थापाको सांसद पद रिक्त भएको निर्णय गरेका हुन् । संसद सचिवालयले आइतबार एक सूचना प्रकाशित गर्दै थापाको सांसद पद रिक्त भएको जानकारी गराएको हो ।
सांसद पद गएसँगै थापाको मन्त्री पद पनि गुमेको हो । थापाले मन्त्रीमा कायम रहनका लागि अव फेरि सपथ ग्रहण गर्नु पर्ने हुन्छ ।
यसअघि सर्वोच्चले गएको फागुन २७ गते नेकपा एमाले र माओवादी केन्द्र ब्युँताउने फैसला गरेपछि पनि एमालेमा रहेका माओवादी केन्द्रका मन्त्रीहरु टोपबहादुर रायमाझी, प्रभु साह, लेखराज भट्ट र गौरीशंकर चौधरीको सांसद पद गुमेको थियो ।
माओवादी केन्द्रको कारवाही पछि उनीहरुको सांसद पदसँगै मन्त्री पद पनि गुमेको थियो । र पुनः मन्त्री बन्नका लागि सपथ ग्रहण गरेका थिए ।
सांसद पद गुमेपछि ६ महिना मात्र मन्त्री पद रहन पाइने व्यवस्था छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
