प्रधानमन्त्री ओली सरकार चलाउन असक्षम तर चतुर राजनीतिक खेलाडी

काठमाडौ । राष्ट्रिय प्रजातन्त्र पार्टीका अध्यक्ष पशुपति शमशेर राणाले वर्तमान राजनीतिक नेतृत्वका कारण मुलुक अस्थिरता तर्फ गइरहेको आरोप लगाउनु भएको छ । शुक्रबार माउन्टेन टेलिभिजन संगको कुराकानीमा अध्यक्ष राणाले वर्तमान राजनीतिक नेतृत्वको आन्तरीक कलहका कारण मुलुकमा अस्थिता र अराजकता निम्तिएको आरोप लगाउनु भएको हो ।

सरकारले साडे तिन वर्षको अवधिमा जनताले दिएको बहुमको दुरुपयोग मात्रै गरेको उहाँको आरोप छ । उहाँले वर्तमान सरकार हरेक तवरबाट असफल भइसकेको भन्दै प्रधानमन्त्री ओलीलाई सरकारका चलाउन असक्षम भएको तर राजनीतिक खेलाडीको रुपमा भने माहिर देखीएको बताउनुभयो । उहाँले मुलुकमा निर्वाचन भएन भने राप्रपाको महाधिबेसनका आगामी फागुन सम्ममा हुने बताउनु भयो । राप्रपाको नेतृत्व पुस्तान्त्रणको विषयमा भने उहाँ खुलेर बोल्न मान्नु भएन ।

राप्रपामा पुस्तान्त्रको कुरा चलिरहेको छनी । तिन अध्यक्ष मध्येका एक अध्यक्षले दोश्रो पुस्तालाई नेतृत्व दिउ पनि भन्नु भएको छ । यसमा तपाइको धारणा के छ भन्ने जवाफमा उहाँ भन्नु हुन्छ, कुरा उठिरहेको छ, अर्का अध्यक्षले दिएको अन्तर्वाता मैलेपनि हेरे उहाँले राणा र थापाले अध्यक्ष चलाइ सक्नु भएकाले पहिलो प्राथमिकता आफु नभए दोश्रो पुस्तालाई हस्तान्त्रण गर्ने कुरा गर्नु भएको हो, तर यसबारे मेरो धारणा भने महाधिबेशबाटै नेतृत्व चयन गर्नु पर्छ भन्ने हो भन्नु भयो ।

यसबारे महाधिबेसनले टुंगो लगाउने अहिले बहस गरिरहन नपर्ने बताएसंगै अवको एक कार्यकाल पहिलो पुस्ताले नै पाउनुपर्छ भन्ने होकी भन्ने संकेत उहाँको छ ।