काठमाडौं । राप्रपाका लोकप्रिय नेता तथा प्रतिनिधिसभा सदस्य राजेन्द्र लिङ्देन र डा. धवल शमशेर राणाले राप्रपालाई पुनर्ताजगी गर्ने महाअभियानमा एकसाथ अघि बड्ने संकल्प गरेका छन् ।
शुक्रबार राप्रपा कार्य सम्पादन समितिका सदस्य तथा, नवलपुरका लोकप्रिय राष्ट्रबादी नेता बलराम थापाको १३ औं पुण्य तिथिका दिन शोक सभालाई सम्वोधन गर्दै लिङ्देन र राणाले राप्रपालाई पुनर्ताजगी गर्न दुवै जना एक भएर अघि बढ्ने वताएका हुन् ।
उनिहरुले साधु, सन्त, महन्त, योगी र आम जनसमुदायले आफुहरु र आफ्नो पार्टीप्रति राखेको विश्वास र भरोसा टुट्न नदिने प्रण समेत गरेका छन् । राप्रपा नेता लिङ्देन र राणा राप्रपा पार्टी भित्र मात्र नभइ सर्बत्र लोकप्रिय नेता हुन् ।
उनिहरु दुवैलाई यतिवेला राप्रपाको नेतृत्व कमजोर भएको र राप्रपा छिन्न भिन्न भएको भन्दै सबैतिरबाट पार्टी नेतृत्व सम्हाल्न समेत दवाव आइरहेको छ ।
अधिकांश कार्यकर्ता यि दुइ नेताको पक्षमा छन् भने अन्य पार्टी तथा सर्वसाधारणको चाहनापनि एकपटक दोश्रो पुस्ताका लिङ्देन र राणाले मिलेर पार्टी हाकेमा राप्रपा बलियो हुने भन्ने छ । यि दुवै नेताको गृह जिल्लामा राप्रपाको ठूलो पकड पनि छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
