काठमाडौं । राष्ट्रिय प्रजातन्त्र पार्टी (राप्रपा) का अध्यक्ष कमल थापाले पूर्वराजा ज्ञानेन्द्र शाहप्रति आफ्नो तर्फबाट अझै सम्मान बढेको बताएका छन् । तालीवानी लडाकुहरुले अफगानीस्तान कब्जा गरेपछि अफगानी राष्ट्रपति अशरफ घानीले देश छाडेर भाग्दा नेपालमा २०६३ को जनआन्दोलनबाट पूर्वराजा शाहले सत्ता हस्तान्तरण गरेर देशभित्रै रहेर देश र जनताको सेवामा समर्पित भएकोमा अध्यक्ष थापाले आफ्नो तर्फबाट पूर्वराजा शाहप्रति अझै सम्मान बढेको बताएका हुन् ।
अफगानीस्तानमा तालीवानी लडाकुहरुले २० वर्ष लामो संघर्षपछि देश पूरै कब्जा गरेका छन् । आइतबार मात्रै राजधानी काबुल पनि लडाकुहरुले कब्जा गरेपछि राष्ट्रपति घानी देश छाडेर भागेका छन् । अमेरिकी सेनाले अफगानीस्तान छाडेर गएपछि तालीवानी लडाकुहरुले देश कब्जा गर्न सफल भएका हुन् ।
सोही विषयलाई लिएर अध्यक्ष थापाले त्यस्तो कुरा उल्लेख गरेका हुन् । उनले सामाजिक सञ्जाल फेसबुकमा लेखेका छन्, ‘तालिवानी विद्रोहीले सत्ता कब्जा गर्न लाग्दा अफगानिस्तानका राष्ट्रपति देश छोडेर भागेको घटना देख्दा राजा ज्ञानेन्द्रप्रति मेरो सम्मान अझै बढेको छ । २०६३ पछि देशभित्रै रहेर देश र जनताको सेवामा समर्पित हुने राजा ज्ञानेन्द्रको निर्णय दूरदर्शी छ । राजा र राष्ट्रपतिबीचको फरक पनि यही हो ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
