माधव नेपालपक्ष नयाँ दल दर्ता गर्ने तयारीमा, अध्यादेश पर्खंदै

काठमाडौं । नेकपा एमालेका वरिष्ठ नेता माधव कुमार नेपालपक्ष नयाँ दल दर्ता गर्ने तयारीमा जुटेको छ। नयाँ दल दर्ता गर्नाका लागि नेपालपक्षका नेता राष्ट्रपतिबाट दल विभाजन सम्बन्धी अध्यादेश जारी हुने पर्खाइमा रहेका छन्।

पार्टी एकता गर्न दुबैपक्षबाट हदैसम्मको प्रयास गरेपनि सबै विकल्प बन्द भएपछि नयाँ दल दर्ता गर्ने पर्खाइमा बसेको नेपालपक्षका एक नेताले बताए।
पार्टीको विधान सांगठनिक संरचना सबै तयार भइसकेकाले राष्ट्रपतिबाट अध्यादेश जारी भए लगतै पार्टीको नाम र चुनाव चिह्न टुंगो लगाएर नयाँ दल दर्ता गर्ने नेपालपक्षका एक केन्द्रीय सदस्यले बताए। ‘नयाँ दल दर्ता गर्न आवश्यक हुने सबै कागजपत्र तयार भइसक्यो। अब पार्टी नाम र चुनाव चिह्न फाइनल गर्नुपर्ने छ’, ति केन्द्रीय सदस्यले भने, ‘राष्ट्रपतिबाट दल विभाजन गर्न सहज हुने अध्यादेश जारी गर्ने पखाइमा छौं। अध्यादेश जारी भए लगत्तै नयाँ दल दर्ता गर्न निर्वाचन आयोग जान्छौं।’

नयाँ दल दर्ताका लागि आवश्यक सबै कागजपत्र तयार भएको र प्रिन्ट गर्न मात्रै वाँकी रहेको ति नेताको दाबी छ।

पार्टी नाम र चुनाव चिह्न सबैलाई मिल्नेगरी बनाउँ भन्ने भएपछि त्यस विषयमा छलफल चलिरहेको उनले बताए। ‘पार्टीको नाम र चुनाव चिह्नका विषयमा नेतैपिच्छे सुझाव आउँन थाल्यो। कसैले ुनेकपा एमाले समाजवादीु राखौं भन्छन्, कसैले ुनेकपा एकीकृतु राखौं भन्छन्, कसैले ुनेकपा एमाले जनवादी राखौुं भन्छन्। पार्टीको नामका विषयमा टुंगो नलागेको उनको भनाइ छ।