आरोहण शाह, वीरगंज । पूर्व युवराज्ञी हिमानी शाह बुधवार छठको सझिया घाटेको दिन वीरगंज आउने हुनु भएको छ । मंगलवार वीरगंजमा पत्रकार सम्मेलन गरी कार्यक्रम संयोजक डेभिड कार्कीले यसबारे जानकारी दिनु भएको हो ।
कार्कीका अनुसार पूर्व युवराज्ञी शाह चार दिन वीरगंजमा रहने कार्यक्रम छ। बुधवार साँझ ५ बजे वीरगंज आइपुग्ने पूर्व युवराज्ञी शाह कात्तिक २७ गते काठमाडौं फिर्ता हुनुहुने छ ।
चार दिने वीरगंजको कार्यक्रममा पहिलो दिन सझिया घाटेको दिन घडिअर्वा पोखरीमा पूजापाठ, दोस्रो दिन विहनीया घाटेमा पनि घडिअर्वामा पूजापाठ र सोही दिनमा दिउँसो पर्साका राजनीतिक दलसँग संवाद तथा भेटघाट गर्नेछिन्। तेस्रो दिन पत्रकार भेटघाट गरी चौँथो दिन काठमाडौं फर्किने कार्यक्रम तय भएको छ।
उहाँ बुधवार हवाई जहाजबाट सिमरा आउने र त्यसपछि गाडीमा वीरगंज पुग्ने कार्यक्रम छ। उहाँको स्वागतमा हेलिकोप्टरबाट साँझ ५ बजे घडिअर्वा पोखरीमा पुष्पवर्षा गर्ने कार्यक्रम रहेको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
