एमाले महाधिवेशनबाट साहसिक निर्णयको अपेक्षा गरेका छौँ - कमल थापा

६३ सालको परिवर्तनको समीक्षा गर्न कमल थापाको एमालेलाई सुझाब, ओलीको दोस्रो कार्याकालको सरकारबाट असन्तुष्ट

चितवन । राष्ट्रिय प्रजातन्त्र पार्टीका अध्यक्ष कमल थापाले २०६३ सालको राजनीतिक परिवर्तनको समीक्षा गर्नुपर्ने बताएका छन्। नेकपा एमालेको १० औं महाधिवेशनको उद्घाटन समारोहमा शुभकामना व्यक्त गर्दै उनले यस्तो बताएका हुन्।

ु२०६३ सालको राजनीतिक परिवर्तन पश्चात दिगो शान्ति र समृद्धिको लक्ष्य बोकेर हामीले यात्रा प्रारम्भर गरेका थियौँ। हामी कहाँ जान हिँडेका थियौँ, हामी कहाँ आइपुगेका छौँ,ु उनले भने, ुयसलाई गम्भीर रुपमा समीक्षा गर्नुपर्ने भएको छ। तपाईँ महाधिवेशन गर्दै हुनुहुन्छ। यसको गम्भीर समीक्षा गर्नुहोला भन्ने आशा व्यक्त गरेको छु।ु

उनले देश संकटमा पुगेको भन्दै लोकतन्त्रको आवरणमा देश सर्वसत्तावाद तर्फ उन्मुख भएको दाबी गरे। अध्यक्ष थापाले धर्म परिवर्तनले हामी नेपालीको सनातन धार्मिक पहिचानलाई समाप्त पार्ने प्रयास भइरहेको समेत बताए।

ुनेपालकै इतिहासमा अहिले सर्वाधिक भ्रष्टाचार व्याप्त भएको छ। देश चालिस लाख बढी युवाहरु मलेसियाको जंगल र अरबको मरभूमिमा रगत पसिना बगाउन बाध्य भएका छन्, उनले भने।

उनले नेपालमा बाह्य शक्तिहरु चलखेल र प्रभाव तीब्र रुपले बढेर गएको दाबी गरे। अन्तर्राष्ट्रिय शक्तिहरुको प्रतिस्पर्धास्थल बन्न सक्ने खतरा बढेको छ, उनले भने।

केपी ओली नेतृत्वको पहिलो सरकारमा सहभागी भएका नेता थापाले ओलीको प्रशंसा गरे। तर, दोस्रो कार्यकालबाट सन्तुष्ट नभएको बताए।
पछिल्लो सरकारको गतिविधिबाट म त्यति सन्तुष्ट छैन। उहाँले जनतालाई दिएको आश्वासन अनुसार काम गर्न सक्नुभएन्, उनले भने।