राष्ट्रप्रमुखका रूपमा राजसंस्थालाई ल्याउ राजनीति ठिक ठाउँमा आउँछ-अध्यक्ष लिङदेन

गाउँघरमा नेता आउँदैछन् भन्दा कुन चोर आएछ भन्ने अवस्था छ ।

काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले जनताले नेतालाई चोर भन्न थालेको टिप्पणी गरेका छन्।

नेपाली कांग्रेसको १४ औं महाधिवेशनको उद्घाटन समारोहमा शुभकामना मन्तव्य दिँदै अध्यक्ष लिङ्देनले नेताहरूप्रति विश्वास मर्दै गएको बताएका हुन्।उनले भने, सरकार सरकार जस्तो छैन। संसद संसद जस्तो छैन। अदालत अदालत जस्तो छैन। यो अवस्थालाई ठिक लगाउने कसले राजनीतिले । राजनीति ठिक छैन। राजनीतिलाई कसले ठिक लगाउने नेताले। तर अहिले नेता प्रति जनताको विश्वास गुमेको छ।

उनले गाउँमा जाँदा नेताहरुलाई नाताले कुन चोर आएछ भनेर चोरको संज्ञा दिने गरेको टिप्पणी गरे। हाम्रो गाउँतिर कार्यक्रम हुन्छ। नेतालाई बोलाइन्छ। आयोजक गएर जनतालाई बोलाउन जान्छन्। म कसको नाम लिउँ मेरो नाउँ लिउँ की अरुको ? भो कसैको नाम नलिउँ, उनले भने, गाउँमा नेता आउँदै हुनुहुन्छ भन्दा आजकाल को नेता आएछ भनेर जनताले सोध्दैनन्। कुन चाँही चोर आएछ भनेर भन्छन्।

यस्तो अवस्थामा उनले कांग्रेसको १४ औं महाधिवेशनले नेतृत्वको छवि सुधार्ने प्रयास गर्नुपर्ने सुझाव दिए। उनले व्यवस्था बदल्दै गर्दा नेता परिवर्तन नभएको भन्दै राजसंस्था पुनः स्थापनाको आवाज पनि उठाए।

राष्ट्र प्रमुखको रुपमा राजतन्त्र, सोझै निर्वाचित प्रधानमन्त्री, पूर्ण समानुपातिक संसद र संसद मन्त्री हुन नसक्ने व्यवस्था ल्याउँ, अध्यक्ष लिङ्देनले भने। त्यसपछि राजनीति ठीक बाटोमा आउँछ।’