काठमाडौँ । स्पेनिस क्लब रियल मड्रिडले १८ वर्षका ब्राजिलियन मिडिफिल्डर रेनिएर जिससलाई अनुबन्धित गरेको छ । रियल मड्रिडले उनलाई २६ मिलियन पाउण्ड स्ट्रलिङ्गमा अनुबन्धित गरेको हो । उनले रियल मड्रिडसँग ६ वर्षको सम्झौता गरेका हुन् ।
उनले गएको जुलाई ३१ मा ब्राजिलियन क्लब फ्लामेङ्गोबाट सिनियर क्लबको खेलमा डेब्यु गरेका थिए । गएको सिजन फ्लामेङ्गोले ब्राजिलियन लिग र दक्षिण अमेरिकी क्लबबिचको लिग प्रतियोगिता कोपा लिबेर्तादोरिसको उपाधि जितेको थियो । सन् २०१८ मा दुबईमा भएको १६ वर्षमुनिको विश्वकप फुटबलमा उनले ब्राजिलियन टिमबाट खेलेका थिए र उनी सो विश्वकपका सर्वाधिक गोलकर्ता हुन् ।
त्यसबेला फ्लामेङ्गोले रियल मड्रिडलाई पराजित गरेको थियो फाइनलमा । उनले गएको डिसेम्बरमा कतारमा भएको क्लब विश्वकप फुटबलमा खेलेका थिए । तर लिभरपुलसँगको फाइनलमा उनी मैदान छिर्न पाएनन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
