चीनमा पानीको संकट, खेतीयोग्य जमिन बने मरुभूमि

चीनमा पानीको संकट गहिरिँदै गएको छ। उत्तरी चीनको अवस्था अरब देशको भन्दा खराब बनेको छ। चीनको यो जल संकट एसियाका अन्य देशका लागि पनि डरलाग्दो हुनसक्छ।

चीनमा विश्वको जनसङ्ख्याको २० प्रतिशत छ तर त्यहाँ पानी मात्र ७ प्रतिशत छ। चीनका हजारौं नदी हराइसकेका छन्। औद्योगिकीकरण र प्रदूषणले बाँकी पानीलाई बेकार बनाएको छ।

केही अनुमानका अनुसार चीनको ८० देखि ९० प्रतिशत पानी पिउन योग्य छैन। आधाभन्दा बढी भूमिगत पानी र एक चौथाइ नदीको पानी प्रदूषित छ। जसलाई उद्योग वा कृषिमा पनि प्रयोग गर्न सकिँदैन।

विज्ञहरूको अनुमान छ कि पानीको अभावका कारण चीनले वार्षिक १ खर्ब डलरभन्दा बढी घाटा व्यहोरिरहेको छ। जसका कारण कृषियोग्य जमिनको ठूलो हिस्सा मरुभूमिमा परिणत भएको छ।

सरकारी प्रयास कमजोर साबित

चिनियाँ सरकारले रासन प्रवर्द्धन र पानीको गुणस्तर सुधार गरेको छ तर यो संकट रोक्न पर्याप्त छैन। डिसेम्बरमा नै चिनियाँ अधिकारीहरूले क्वान्चाउ र शेनचनले अर्को वर्ष ठूलो खडेरीको सामना गर्नेछन्।

२००५ मा चीनका तत्कालीन प्रधानमन्त्री वन च्यापाओले पानीको कमीले चिनियाँ राष्ट्रको अस्तित्वलाई खतरामा पारेको बताएका थिए। जलस्रोत मन्त्रीले चीनले प्रत्येक थोपा पानीका लागि लड्नुपर्ने बताएका छन्।

छिमेकी देशहरूका लागि संकट

चीनको अधिकांश ताजा पानी तिब्बत जस्ता क्षेत्रमा केन्द्रित छ। चीनले मेकोङ नदीमा विशाल बाँधहरूको शृंखला बनाएर थाइल्याण्ड र लाओस जस्ता दक्षिणपूर्वी एसियाली देशमा बारम्बार खडेरी र विनाशकारी बाढी उत्पन्न गरेको छ। सिन्च्याङका नदीहरूको बहावले मध्य(एसियामा विनाशकारी प्रभाव पारेको छ।

हिमालयमा उत्पत्ति हुने नदीहरूमा

चीनको बाँधले भारतमा पुग्नुअघि प्रमुख जलधारहरू ९ब्रह्मपुत्र नदी० बाँध गर्ने चीनको योजनाको लागि बढ्दो खतरा छ। यसले भारत र बंगलादेशलाई असर गरेको छ।

भारतीय रणनीतिक विश्लेषक ब्रह्म चेलानी भन्छन्, ुदक्षिण चीन सागर र हिमालयमा चीनको क्षेत्रीय विस्तारसँगै अन्तरराष्ट्रिय नदी बेसिनहरूमा जलस्रोतलाई आफू अनुकूलन गर्ने प्रयासहरू भइरहेका छन्।ु अर्को शब्दमा भन्नुपर्दा, चीन जति तिर्खाएको छ, त्यति नै भू–राजनीतिक संकट बढ्दै जान सक्छ।