श्रीमतीको आगो लगाएर हत्याको प्रयास

माघ १२, २०७६

कालापानी मिडिया

१२ माघ, सिराहा ।
श्रीमतीलाई जलाएर हत्या प्रयासको आरोपमा सिराहामा एक जनालाई पक्राउ गरिएको छ। प्रहरीले जिल्लाको औरही गाउँपालिका वडा नम्बर ५ का विनोद यादवलाई पक्राउ गरेको हो।
प्रहरीका अनुसार यादवले शुक्रबार राति खाना पकाउँदै गरेकी २५ वर्षीया श्रीमती अनितादेवीलाई आगो लगाएर हत्याको प्रयास गरेका थिए। उनलाई माईती पक्षको मौखिक उजुरीका आधारमा पक्राउ गरिएको हो। जलेर गम्भीर घाइते भएकी उनलाई विराटनगरमा उपचार सम्भव नभएपछि थप उपचारका लागि काठमाडौं लगिएको जिल्ला प्रहरी कार्यालय सिराहाका प्रहरी निरीक्षक दीपेन्द्र श्रेष्ठले बताए।
औरही गाउँपालिका–१ दरहैयाकी अशोक यादवकी तीन छोरीमध्ये जेठी अनिताको ०६८ सालमा विनोदसँग सामाजिक परम्पराअनुसार विवाह गरेकि हुन्। वैदेशिक रोजगारीअन्तर्गत पछिल्लो साता मात्र साउदी अरबबाट घर फर्किएका विनोदलाई जेठी भाउजू चौरासीवतीले अनितादेवीको चरित्रको विषयमा कुरा लगाएर उचालेको बुझिएको छ।

प्रतिक्रिया दिनुहोस