काठमाण्डाै । भारतीय रक्षामन्त्री राजनाथ सिंह र बिहार तथा कर्नाटक राज्यका मुख्यमन्त्रीलाई कोभिड–१९ को संक्रमण पुष्टि भएको छ।
भारतीय रक्षामन्त्री सिंहले सामाजिक सञ्जाल ट्वीटरमार्फत आफूलाई कोरोना संक्रमण भएको जानकारी दिएका हुन्।
उनले आफूलाई कोभिड–१९ को सामान्य लक्षण मात्र देखिएको र आफू घरमा नै क्वारेन्टिनमा बसेको बताएका छन्।
उनले आफ्नो सम्पर्कमा आएका मानिसहरुलाई आइसोलेसनमा बस्न आग्रह गरेका छन्। त्यस्तै बिहारका मुख्यमन्त्री नितिश कुमारको कोरोना रिपोर्ट पनि पोजेटिभ आएको छ। बिहारको मुख्यमन्त्रीको कार्यालयले उनलाई कोरोना पोजेटिभ आएको भन्दै अहिले उनी घरमा नै आइसोलेसनमा बसिरहेको बताएको छ।
कर्नाटकका मुख्यमन्त्री बीएस बोम्मई पनि कोरोना संक्रमित भएका छन्। उनले पनि सामाजिक सञ्जाल ट्वीटरमार्फत आफूलाई कोरोना संक्रमण भएको जानकारी दिएका हुन्।
उनले आफ्नो स्वास्थ्य अहिले ठीक रहेको कारण घरमा नै आइसोलेसनमा बस्ने बताएका छन्। उनले आफ्नो सम्पर्कमा आएका मानिसहरुलाई कोरोना परीक्षण गराउन सुझाव दिएका छन्।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
