काठमाडाैं । नेकपा एमालेका अध्यक्ष केपी शर्मा ओलीले अमेरिकी परियोजना एमसीसीलाई आफ्नो न्यूनतम् साझा कार्यक्रममा नराखेका सत्तारुढ गठबन्धनले अहिले अनावश्यक हल्ला गरेको बताएका छन्। अहिले बाहिर हल्ला गरे जस्तो अवस्था गठबन्धन भित्र नरहेको पनि उनले टिप्पणी गरेका छन्।
'एमसीसीको अवस्था गठबन्धनमा बाहिर हल्ला गरे जस्तो देखिएन। उनीहरुको न्यूनतम् साझा कार्यक्रममा एमसीसी त छैन', ओलीले भने, 'जनतामा नक्कली हल्ला चलाएर हिँडेका छन्।'ओलीले यदि गठबन्धन सरकारले संसदमा निर्णयार्थ प्रस्तुत गर्न लैजान्छ भने सभामुखले एमसीसी रोक्न नमिल्ने पनि उनले तर्क गरे।
तर ओलीले आफ्नो पालामा एमसीसी अघि बढाउन खोज्दा सभामुख अग्नि सापकोटाले रोकेको पनि संकेत गरे। 'एमसीसीलाई सभामुखले कानुनविपरीत रोक्ने काम गरे। संसदले पास गर्छ या फेल गर्छ त्यो त्यहीँको कुरा हो।
सरकारले अघि बढाएपछि त्यसलाई सभामुख रोक्न मिल्दैन', उनले भने, 'तर अहिले सरकारको निर्णयबारे सभामुखले असंवैधानिक रुपमा फैसला गर्छन्। सभामुख असंवैधानिक बाटोमा छन्। आफ्नो कानुनी हैसियताभन्दा बाहिर र पदीय मर्यादा विपरीतका काममा लागेका छन्।'
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
