काठमाडौं । प्रमुख प्रतिपक्षी नेकपा एमाले निकट युवा संघ नेपालले स्थानीय तह निर्वाचन मिति घोषणा माग गर्दै सिंहदरबारको आकाशमा कालो बेलुन उडाएको छ ।
संघले पेट्रोलियम पदार्थको मूल्य अहिलेसम्मकै सबैभन्दा धेरै महंगो बनाइएको विरोधमा पनि प्रदर्शन गरेको छ । सिंहदरबार दक्षिण गेट अगाडि पुगेका युवा संघका नेता कार्यकर्ताले प्रहरी हस्तक्षेपका बावजुद कालो बेलुन पनि उडाएका छन् ।
नेपाल आयल निगमले केही दिनअघि पेट्रोलको मूल्य बढाएर अहिलेसम्मकै महँगो प्रतिलिटर १४२ रुपैयाँ कायम गरेको छ । अर्कातिर पाँच दलीय गठबन्धन सरकार स्थानीय तहको निर्वाचन जेठमा गर्न तयार नभएको पनि युवा संघले विरोध गरेको छ । प्रदर्शनका क्रममा युवा संघका केही नेता पनि पक्राउ परेका छन् ।
प्रहरीले युवा संघ केन्द्रीय महाधिवेशन आयोजक कमिटी सदस्यहरु अजित लामा, जयराम लामा र गणेश थापालाई पक्राउ गरेको स्वास्थ्य विभाग प्रमुख निरोज पौडेलले बताए ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
