मोरंग केराबारी । असोजको तेश्रो साता केराबारी गाउँपालिका वडा नं.४ स्थित झ्याप्रुंग डाँडा टोलमा सुखा पहिरो खस्दा पाँच घर परिवार विस्थापित बनेका छन् ।
चाँडपर्वको मुखैमा घरदेखि तलतिरबाट पहिरो खसेका कारण सोही वडाका वडाध्यक्ष इन्द्रवहादुर राईको घर सहित अन्य पाँच घर जोखिममा रहेको पाइएको छ । दशैमनाउँन आफन्त परिवार सवैले तयारी गरीरहेका बेला नवरात्रको दिन पहिरो झरेर गाउँ नै बगाउँने अवस्था आएपछि आफूहरु घर छाडेर अन्यन्त्र भागेको पिडितहरुले बताएका छन् ।
भुकम्पका कारण पहाडका धेरै जमिनहरु खस्केको र जमिनमा धजा फाटेको छ ।अझैपनि पहिरो झरेको भागमा सुख्ख माटोहरु बगिरहेको र माथिलो कान्लो सम्म माटो चिरा परेकोछ । जमिन केही धस्सिएको छ । जुनसुकैबेला त्यो पहिरो जान सक्छ । वडाध्यक्ष इन्द्रवहादुर राईको घरैदेखि मुन्तिरको एक कान्ला मात्र बाकी रहेको छ । केराबारी गाउँपालिकाबाट अनुगमनमा गएकी गाउँपालिका उपाध्यक्ष शान्ति कुमारी लिम्बु भुजेलले बताइन् ।
वडाध्यक्ष राईको एक महिना अघि मोटरसाइकल दुर्घट्नाका कारण खुट्टा भाचिएर उपचार गराई रहेका अवस्थामा यतिठूलो संकट आइलागेपछि गाउँको अन्य ४ घर समेत जोखिममा रहेको र उद्धारमा कठिनाई भएको पिडित स्थानिय नन्द याम्फूले बताए ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
