काठमाडाैं । सरकारले बिहीबार बसेको मन्त्रिपरिषद् बैठकको निर्णय सार्वजनिक गरेको छ । शुक्रबार (आज) सरकारका प्रवक्ता ज्ञानेन्द्र कार्कीले मन्त्रिपरिषद्मा भएका निणय सार्वजनिक गरेका हुन् ।
मन्त्रिपरिषण बैठकले गरेका निर्णय यस्तौ छ ।
पहिलो : सरकारले दुई स्थानलाई बर्डफ्लू प्रभावित क्षेत्र घोषणा गरेको छ । बर्डफ्लू प्रभावित गरेका क्षेत्रहरू काठमाडौँको गोकर्णेश्वर नगरपालिका वडा नं ३ को गोविन्द मगर पंक्षी पालेको स्थान र चितवनको राप्ती नगरपालिका वडा नं ६ को अनिता पशुपंक्षी कृषि फार्मलाई केन्द्र मानि सोही स्थानको वरपरको सय मिटरसम्मको क्षेत्रमा प्रभावित क्षेत्रको रुपमा घोषणा गरिएको हो ।
साथै बैठकले बर्डफ्लूका कारण पंक्षी नष्ट गर्ने कार्य समाप्त भएको मितिबाट ४२ दिनसम्मको अवधिसम्म बर्डफ्लू प्रभावित क्षेत्र घोषणा गरी रोग नियन्त्रण गर्ने निर्णय गरेको पनि प्रवक्ता काकीले जानकारी दिए ।
दोस्रो : कोभिड–१९ को आकस्मिक प्रतिकार्य तथा जनस्वास्थ्य जोखिमको पूर्व तयारी परियोजनाको लागि विश्व बैङ्कबाट प्राप्त हुने १८ मिलियन अमेरिकी डलर (करिव २ अर्ब १४ करोड) थप ऋण सहायता स्वीकार गर्ने निर्णय ।
तेस्रो : राष्ट्रिय बीमा संस्थान सञ्चालक समितिको अध्यक्ष गंगाराम कँडेलको राजीनामा स्वीकृत गर्ने निर्णय,नवीकरणीय उर्जा अनुदान नीति २०७८ स्वीकृत गर्ने,मुलकी फौजदारी कार्यविधि संहिता २०७४ को अनुसूचि १ हेरफेर गर्ने पनि निर्णय ।
चौथो : नेपाल वन निगम लिमिटेडका प्रमुख कार्यकारी अधिकृत रामेश्वर भट्टराईलाई पदबाट बर्खास्त गर्ने निर्णय,श्रमिक अस्पताल स्थापनाका लागि आवश्यक प्रक्रिया अघि बढाउन श्रम, रोजगार तथा सामाजिक सुरक्षा मन्त्रालयलाई सैद्धान्तिक स्वीकृति प्रदान गर्ने निर्णय ।
पाचौँ : ग्लोबल फण्डको एड्स,क्षयरोग र मलेरिया रोग रोकथाम तथा नियन्त्रणका लागि सन् २०२१ देखि २०२४ को कार्यक्रम कार्यान्वयनका लागि जनसङ्ख्या मन्त्रालयका सचिवलाई सम्झौतामा हस्ताक्षर गर्न अख्तियारी प्रदान गर्ने निर्णय,
छैटौँ : औषधि दर्ता चौथो संशोधन नियमावली २०७८ लाई स्वीकृत गर्ने र नेपाल मेडिकल काउन्सिल पाचौँ संशोधन नियमावली २०७८ लाई स्वीकृत प्रदान गर्ने निर्णय गरेको प्रवक्ता कार्कीले जानकारी गराएका हुन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
