काठमाडौं । प्रतिनिधिसभाको आज बस्ने बैठकको कार्यसूचिमा अमेरिकी सहयोग सम्झौता एमसीसीमाथि सामान्य छलफल गरियोस भन्ने प्रस्ताव अर्थमन्त्री जनार्दन शर्माले राख्ने उल्लेख छ ।
संसद सचिवालयको सम्भावित कार्यसूचीको एक नम्बरमा कानुन, न्याय तथा संसदीय मामिला मन्त्री दिलेन्द्र बडुले महान्यायाधिवक्ताको वार्षिक प्रतिवेदन पेस गर्ने र दोस्रोमा अर्थमन्त्री शर्माले एमसीसी सम्झौतामाथि छलफलको प्रस्ताव राख्ने उल्लेख छ । तर, अर्थमन्त्री शर्मा भने राजधानी बाहिर छन् । पर्वतमा आज हुने उद्योग वाणिज्य संघको कार्यक्रममा सहभागी हुन अर्थमन्त्री शर्मा बुधबार नै कुश्मा पुगेका हुन् । बुधबार फर्कने टिकट समेत रद्द गरेर अर्थमन्त्री कुश्मामा बसिरहेका छन् ।
आज दिउँसो १ बजे बस्ने संसद बैठकमा अर्थमन्त्री शर्मा उपस्थित हुने सम्भावना क्षीण रहेको बुझिएको छ । एमसीसीका बारेमा उठ्ने प्रश्नहरुको जवाफ दिनुपर्ने भएकाले त्यसलाई छल्न अर्थमन्त्री राजधानी बाहिर गएको अनुमान गरिएको छ ।
यही फागुन ८ गते पनि अर्थमन्त्री शर्मा संसद बैठकमा अनुपस्थित भएपछि सञ्चारमन्त्री ज्ञानेन्द्रबहादुर कार्कीले एमसीसी प्रस्ताव टेबल गर्नुभएको थियो ।जनताले सर्वाधिक चासो राखेको विषयमा जवाफ दिनुपर्ने विभागीय मन्त्रीले वैठक छल्नु चाहीँ कति शोभनीय हो भन्ने प्रश्न उठेको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
