काठमाडौं । राप्रपा नेतृ तथा अभिनेत्री रेखा थापाले नवालिग गायिकाको पक्षमा आफूले बोल्दा समाजबाट दुत्कार सहनुपरेको गुनासो गरेकी छिन् ।
महिला दिवसका सन्दर्भमा आयोजित एक सडक बहस कार्यक्रममा नेतृ थापाले पिडितको पक्षमा बोल्दा आफुमाथी समाजको दृष्टिकोण देखेर यतिबेला आफूलाई सतीप्रथामै छौं कि जस्तो आभास भएको बताएकी हुन् । अहिलेको प्रकरणलाई जोड्दै उनले चोकचोकमा र गल्लीगल्लीमा न्यायाधीश र वकिलहरु जन्मिरहेको कटाक्ष गरिन।
‘उनले भनिन्, अब अदालतको काम के त ? हिम्मत छ भने अदालत बन्द गराइदिनुस्,’ । उनले थपिन्, ‘त्यो नाबालिका हाम्रो समाजको दायित्व हो र उसलाई संरक्षण गर्नुपर्छ भन्दा मलाई ‘हार्दिक श्रद्धाञ्जली’ लेखियो । हामी त अझै सतीप्रथामा छौं कि क्याहो जस्तो महुसस भयो मलाई त । महिलालाई तिमीहरू सहेर बस, तिमीहरू नै खराब भन्ने खालको सोच देखियो । जसलाई हिंसा परेर बाहिर निस्केको हुन्छ, त्यै खराब भन्ने होला त ? चेतनाको स्तर कहिले बढ्छ हाम्रो ? महिलालाई श्रृंगारिक वस्तुको रूपमा मात्रै प्रस्तुत गरेर हुन्छ त ? हामी नडराउँ । उनले भनिन्, म नेताको विरुद्धमा पनि जान सक्छु यदि गलत छ भने ।’
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
