काठमाडौं । राष्ट्रिय प्रजातन्त्र पार्टीकी नेत्रृ तथा नायिका रेखा थापाले राप्रपाबाहेक सबै दल विदेशीको दलाल भएको आरोप लगाएकी छन्। मंगलबार वीरगञ्जमा आयोजित आमसभालाई सम्बोधन गर्दै नेतृ थापाले अन्य दलहरुले देश बेचेर खाइसकेको आरोप लगाउदै उनीहरुको फन्दामा नपर्न जनतालाई आग्रह गरेकी हुन् ।
विदेशीसामु लम्पसार पर्ने त्यस्ता दलहरुलाई जनताले अझै किन विश्वास गरिरहेका छन् भन्ने आफूले बुझ्न नसकेको भन्दै उनले अवको निर्वाचनमा यस्तो भुल नगर्न पनि सुझाईन।
उनले भनीन, मैले भन्नु पर्दा, ‘यिनीहरु सबै विदेशी दलालहरु हुन्, हुन त यो भाषा एकदमै असभ्य लाग्ला,’ अन्य दलहरुप्रति लक्षित गर्दै उनले भनिन्, ‘तर मैले देख्दा विदेशीसँग लम्पसार पर्ने यी दलहरुप्रति तपाईंहरु किन विश्वास गर्नुहुन्छ ? नेपाली जनताले किन विश्वास गर्या छन् मैले बुझ्या छैन।’ विदेशीको विचार बोकेर हिँड्ने पार्टीहरुले देशको रक्षा गर्न नसक्ने थापाको भनाइ थियो। राप्रपा देशको मौलिक पार्टी भएकोले आफूले राप्रपा रोजेको उनले बताइन्।
नेतृ थापाले धेरै दलहरुले मधेसका जनतालाई झुक्याएको आरोप पनि लगाइन्। देशलाई स्वीट्जरल्याण्ड, सिंगापुर बनाउँछु भन्नेहरुले अहिले आफूलाई भोट नदिए देश श्रीलंका हुन्छ भनेर धम्क्याइरहेको थापाले बताइन्।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
