श्याम गुप्ता
बारा । बाराको विभिन्न मतदान केन्द्रमा आज बिहान झडप भएको छ । झडपका कारण मतदान प्रक्रिया रोकिएको प्रहरीले जनाएको छ । जिल्लाको देवताल गाउँपालिका–७ मा मतदानका क्रममा झडप भएको हो ।
दुई पक्ष बिच विवाद हुँदा झडप भएको बारा प्रहरीले जनाएको छ । झडपका क्रममा १ जनाको टाउको फुटेको बारा प्रहरी प्रमुख एसपी दिलीपसिंह देउवाले जानकारी दिए । झडपलाई नियन्त्रणमा लिन प्रहरीले अश्रुग्यास प्रहार गरेको छ । झडप पछि मतदान रोकिएको एसपी देउवाले बताए । त्यस्तै, जिल्लाको सिम्रौनगढ नगरपालिका–२ बैरियामा पनि झडप भएको छ ।
दुई पक्ष बिच झडप भए पछि अहिले मतदान प्रक्रिया रोकिएको एसपी देउवाले जानकारी दिए। विभिन्न ठाउँमा झडपका घटना भइरहेको बताउँदै उहाँले कति ठाउँमा भयो भन्ने अहिले सम्म यकिन नभएको एसपी देउवाले बताए । सीमावर्ती क्षेत्रमा रहेका यी मतदान केन्द्र सुरक्षा दृष्टिकोणले अति सम्वेदनशिल केन्द्र हुन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
