काठमाडौं । काठमाडौं महानगरपालिकाको २९ वटा वडाको मतगणना सकिएको छ। हालसम्म कुल १ लाख ८३ हजार ६७९मत गणना हुँदा मेयर पदमा १ लाख ५४ हजार ८९५ सदर मत परेको छ। जसमा स्वतन्त्र उम्मेदवार बालेन शाह पहिलो स्थानमा रहँदा नेपाली कांग्रेसकी सिर्जना सिंह दोस्रो र नेकपा एमालेका केशव स्थापित तेस्रो स्थानमा कायमै छन्।
मेयरमा स्वतन्त्र उम्मेदवार बालेन शाह ५९ हजार १४९ मत प्राप्त गरेका छन्। अर्थात कुल खसेको सदर मतको ३८.१९ प्रतिशत मत पाएका छन्। दोस्रोमा रहेकी नेपाली कांग्रेसकी सिर्जना सिंहले ३७ हजार ५४२ मत अर्थात कुल खसेको सदर मतको २४।२४ प्रतिशत पाउँदा एमालेका केशव स्थापितले ३७ हजार २१८ मत ल्याएका छन्। अर्थात उनले कुल खसेको मतको २४.०३ प्रतिशत मत ल्याएका छन्।
चौथो स्थानमा रहेका स्वतन्त्र उम्मेदवार सुमन सायमीले हालसम्म १३ हजार ३५४ मत प्राप्त गरेका छन्। बालेन्द्रको जित सुनिश्चित भएसँगै बिहानैदखि मत गणनास्थल राष्ट्रिय सभागृह अगाडि भिड लागेको छ । विजयका नारा सहित मानिसहरु बिहानैदेखि उक्त क्षेत्रमा जम्मा भएका छन् । यदिपी बालेन्द्र भने बुधबार नै बिजय जुलुस मनाएर अरुको मन कुडिने काम नगर्न आग्रह गरेका थिए ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
