जोकोभिचलाई हराउँदै नाडाल सेमिफाइनलमा

काठमाडौं । ​सर्वकालिन महान खेलाडी बन्ने ध्याउनमा रहेका दुई टेनिस स्टार राफेल नाडाल र नोभाक जोकोभिचबिच मंगलबार राति भएको फ्रेन्च ओपन टेनिसको क्वाटरफाइनलमा स्पेनिस स्टार राफेल नाडालले बाजी मारेका छन्।

२२ औं ग्रान्डसलाम जितको लागि कोर्टमा संघर्ष गरिरहेका नाडालले २० ग्रान्डसलाम जितेका जोकोभिचविरुद्व संघर्षपूर्ण खेलमा जित हात पारे। १४ औं फ्रेन्च ओपन जितको यात्रालाई कायमै राख्ने क्रममा राम्रो सुरुवात गरेका नाडालले खेल ६-२, ४-६, ६-२ र ७-६ ९७-४० ले आफ्नो पक्षमा पार्दै रोलान्ड गारोसमा आफ्नो दबदबा कायमै राखे। नाडालले ४ घन्टा लामो संघर्षमा नतिजा आफ्नो पक्षमा पारेका थिए।

अब सेमिफाइनलमा नाडालले तेस्रो वरियताका अलेक्जेन्डर जेरेभको सामना गर्ने छन्। जर्मनी युवा स्टार जेरेभले लगातार दोस्रो वर्ष सेमिफाइनलमा स्थान बनाउने क्रममा टिनएजर कार्लो अलकाराजलाई पराजित गरेका थिए। जितपछि नाडालले भने 'जोकोभिचविरुद्वको जित सुरुवातबाट अन्तसम्म उत्कृष्ट फर्म बाहेक संभव थिएन।" 'उनले थपे जुन उत्साहका लागि कोर्टमा आउनु भएका तमाम समर्थकहरुप्रति नतमस्तक छु।"

३५ वर्षीय नाडालले यो रात आफ्ना लागि एक नाटकीय रातका रुपमा रहने समेत बताए। जितसँगै नाडालले अघिल्लो सिजन सेमिफाइनलमा जोकोभिच सँगको हारको बदला समेत लिएका छन्। जोकोभिचले पनि नाडालको प्रसंशा गर्दै उत्कृष्ट प्रदर्शन सुरुवातबाटै गरेको र जितका लागि नाडाल डिर्जरभिङ रहेको बताए। उनले भने 'दोस्रो सेटबाट मैले आफ्नो मोमेन्टम कायम गरे, मलाई लाग्योकी अब म खेलमा फर्किन्छु तर टेनिसलाई अर्को स्तरमा लैजाने स्तरको प्रदर्शन नाडालले गरे।"