चितवनमा मह संकलन केन्द्र स्थापना

प्रनिश थापा ।
चितवन ।
चितवनका तीन स्थानीय तहमा मह संकलन केन्द्र निर्माण गरिएको छ । नेपाली महको बजारीकरण र बाह्य महसँग प्रतिस्पर्धा गराउन प्रधानमन्त्री कृषि आधुनिकीकरण परियोजना कार्यान्वयन एकाइ (मौरी जोन) चितवनको अनुदान सहयोगमा केन्द्र स्थापना गरिएको हो ।
चितवनकोे खैरहनी नगरपालिका, राप्ती नगरपालिका र कालिका नगरपालिकामा एक÷एक संंकलन केन्द्र निर्माण गरिएको हो । प्रधानमन्त्री कृषि आधुनिकीकरण परियोजना कार्यान्वयन एकाइ केन्द्र निर्माणका लागी कार्यालयले तीन स्थानीय तहमा ३४ लाख अनुदान सहयोग गरेको छ । यस्ले मुख्य गरेर चितवन र मकवानपुरमा ब्यवसायीक मौरीपालन गरेर बस्ने किसानहरूलाई मौरीपालन ब्यावसायी आधुनिकीकरणलाई प्रशोधन उन्मुख बनाउने छ ।
त्यस्तै, मौरी जोन सञ्चालन समितीका संयोजक धर्मराज लामाले नेपालमै पहिलो पटक मौरी जोनलाई चितवन ल्याउन आफूहरु सफल भएको र यो राप्ती नगरपालिका, राक्सिराङ, खैरहनी नगरपालिका, रत्ननगर नगरपालिकालाई कार्यक्षेत्र बनाएर कार्यक्रम सञ्चालनमा ल्याइएको बताए ।
नेपालमै पहिलोपटक जिल्लालाइ मौरीजोन केन्द्र स्थापना गर्दा किसानहरु समेत खुशी छन् । अरु पेशा भन्दा यो पेशा भने सहज हुने उनिहरुको भनाइ छ ।
संकलन केन्द्र स्थापना सँगै कार्यालयले मह संकलन हुने क्षेत्रका किसानलाई मेशिनरी औजार वितरण, तालिमलगायतका कार्यक्रम सञ्चालन गरेको छ । मौरी जोन अन्तर्गत पाँच समूहका ५५ कृषि फार्म र २१० जना व्यवसायिक मौरीपालक किसान आबद्ध छन् । आर्थिक वर्ष २०७५÷७६ बाट चितवनलाई नेपालकै पहिलो मौरी जोन घोषणा गरिएको हो । मौरी जोन सञ्चालनका लागि किसानहरुको नौ सदस्यीय सञ्चालक समिति गठन गरेर कार्यक्रम सञ्चालन गरिएको छ । चितवनमा वार्षिक ८०० मेट्रिक टन मह उत्पादन हुन्छ ।