काठमाडौंः सरकारले संसदमा विचाराधीन रहेको नागरिक ऐन संशोधन विधेयक अगाडि बढाउने तयारी गरेको छ ।
बुधबार बसेको सत्ता गठबन्धनको बैठकमा प्रधानमन्त्री शेरबहादुर देउवाले सो विधेयक अगाडि बढाउने प्रस्ताव गरेका गर्नुभएको हो ।
मौजुदा संविधानअनुसार हालको नागरिकता ऐन संशोधन गर्नुपर्ने भएकाले संसदमा संशोधन विधेयक पेस भएको छ । तर, दलहरूबीच सहमति नहुँदा लामो समयदेखि सो विधेयक संसदमा विचाराधीन छ ।
यो प्रतिनिधिसभाको अन्तिम अधिवेशन हुने सम्भावना देखिएकाले सरकारले यही अधिवेशनबाटै सो विधेयक पारित गराउने तयारी गरेको हो ।
बैठकपछि सञ्चारकर्मीहरूसँग कुरा गर्दै सञ्चारमन्त्री ज्ञानेन्द्रबहादुर कार्कीले प्रधानमन्त्रीले विधेयक अगाडि बढाउने प्रस्ताव राखेको उल्लेख गर्दै बाँकी प्रक्रिया पूरा गरेर अगाडि बढाइने बताए ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
