काठमाडौं । निवर्तमान श्रम रोजगार तथा सामाजिक सुरक्षा मन्त्री कृष्णकुमार श्रेष्ठले आफूलाई सहयोग गरेजसरी नै नयाँ मन्त्रीलाई पनि सहयोग गरेर सफल बनाइदिन आग्रह गर्नुभएको छ ।
आज पत्रकार सम्मेलन गर्दै श्रेष्ठले मन्त्रालयका कर्मचारी लगायतलाई सो आग्रह गर्नुभएको हो ।
आफू पदमा रहँदा विवादरहित ढंगले काम गरेको भन्दै उनले आफ्नो ८ महिना २१ दिनको कार्यकाल सफल भएको दाबीसमेत गर्नुभयो ।
क्याबिनेट मन्त्रीको रुपमा नियुक्त गर्नुभएकोमा सम्माननीय प्रधानमन्त्री र गठबन्धनका नेताहरुलाई हार्दिक धन्यवाद दिदैं मन्त्री श्रेष्ठले २६२ दिन कार्य गरी बिदाइ हुँदैछु। सम्पूर्ण साथीहरुबाट सहयोग पाएको बताउनुभयो ।
मन्त्रीबाट राजीनामा नआएपछि धरैले कहिले बालुवाटार र खुमालटार दौडेको आरोप लागेको थियो मन्त्री श्रेष्ठमाथि। उक्त भनाईमा खण्डन गर्दै श्रेष्ठले भन्नुभयो, \मन्त्रीमा टाँसिन कहिले बालुवाटार र कहिले खुमालटारमा दौडे भन्ने कुरा पनि आयो। यो हैन हामी बजेटको जवाफ दिन बसेको हुँ। अहिले हेर्नुस्, मन्त्री चढ्ने भन्दा ठुलो गाडी चढेर आएको छु। मलाई कुनै लोभ छैन मन्त्रालयमा टाँसेर बस्न।'
श्रेष्ठले नयाँ श्रममन्त्रीलाई पनि सहयोग गर्न मन्त्रालयका कर्मचारीलाई आग्रह गरे। 'नयाँ श्रममन्त्रीलाई पनि सहयोग गर्नुहोला। हाम्रै पार्टीको मन्त्री हुनुहुन्छ।'
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
