काठमाडौं । प्रमुख प्रतिपक्षी दल नेकपा एमाले संसदीय दलका उपनेता तथा पूर्व सभामुख सुवासचन्द्र नेम्वाङले स्टेट पार्टनसिप प्रोग्राम एसपीपीका विषयमा भएका सबै पत्र सार्वजनिक गरिदिन प्रधानमन्त्री देउवासँग आग्रह गर्नु भएको छ ।
संसद् दिवसको अवसरमा आयोजित कार्यक्रममा नेता नेम्वाङले प्रधानमन्त्रीसँग एसपीपीका सम्बन्धमा सुरुवातदेखि अहिलेसम्म भएका सबै पत्र सार्वजनिक गर्न माग गर्नुभएको हो ।
उहाँले एसपीपीका विषयमा संसद्मागम्भीर प्रश्न उठेकाले त्यसमा को–को संलग्न छन् प्रष्ट पार्नका लागि पनि रक्षा मन्त्रालय र नेपाली सेनाले पठाएका पत्र संसद्मासार्वजनिक गर्नुपर्ने बताउनुभयो ।
उहाँले भन्नुभयो, ‘एसपीपीलाई लिएर हाम्रा पार्टी अध्यक्षलाई जोडिएको पनि छ। उहाँ प्रधानमन्त्री भएको १५ औं दिनमा नै सेनाले पत्र पठाएको छ। त्यो ठिक थियो या थिएन, तर प्रश्न उठ्ने त भयो नै। उहाँले पनि मैले पत्र लेख्न लगाएको होइन भन्नुभएको छ। तर, सबै सरकारका पालामा पत्र गएको देखिन्छ। अब प्रधामन्त्रीलाई म आग्रह गर्दछु, सेनाले पठाएका पत्र, रक्षा मन्त्रालयमा भएका पत्रहरु सबै संसद्माप्रस्तुत गरिदिनुस्' को–को संलग्न छन् भन्ने प्रष्ट भइहाल्छ।’
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
