एजेन्सी । रुसी राष्ट्रपति भ्लादिमिर पुटिनले रुसलाई युद्ध भूमिमा पराजित गरेर देखाउन पश्चिमा देशहरुलाई चुनौती दिएका छन्।
रुसी संसदमा बोल्दै राष्ट्रपति पुटिनले रुसले युक्रेनमा गरिरहेको सैन्य कारबाही नाम मात्रैको युद्ध हो भन्दै पश्चिमा देशहरुलाई चेतावनी दिएका हुन्। युक्रेनलाई प्रयोग गरेर रुसलाई टेष्ट गर्न खोजेको तर्क गर्दै राष्ट्रपति पुटिनले युक्रेन युद्धले एक ध्रुवीय विश्वलाई बहुध्रुवीय बनाउने दावी पनि गरे। पश्चिमा देशहरुले अन्तिम युक्रेनी जीवित रहेसम्म युक्रेन युद्धलाई सहयोग गर्ने कुरा पनि सुनिरहेको भन्दै उनले त्यो नै युक्रेनी जनताका लागि दूर्भाग्यपूर्ण हुने बताए।
साथै पुटिनले संसदमा सम्बोधनका क्रममा वार्ताबाटै युक्रेन युद्धको अन्त्य गर्ने विकल्प खुला रहेको र आफूहरु शान्ति वार्ताका लागि तयार रहेको बताए।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
