एजेन्सी । घरेलु टोली इङल्यान्ड महिला युरोपियन च्याम्पियनसिप फुटबल २०२२ को सेमिफाइनलमा प्रवेश गरेको छ ।
बुधबार राति सम्पन्न खेलमा स्पेनलाई २–१ गोल अन्तरले पराजित गर्दै इङल्यान्ड सेमिफाइनलमा प्रवेश गरेको हो ।
५४ औं मिनेटमा इस्टन गोन्जाल्वेजको गोलमा स्पेनले अग्रता लिएको थियो । ८४औं मिनेटमा इल्ला टोलीको गोलमा इङल्यान्ड खेलमा फर्किएको थियो ।
निर्धारित समयको खेल १–१ को बराबरीमा सकिएपछि खेल अतिरिक्त समयमा धकेलिएको थियो । ९६औं मिनेटमा जर्जिया स्टानवेले गोल गर्दा इङल्यान्डले सेमिफाइनलको टिकट पक्का गरेको थियो ।
समूह चरणमा सतप्रतिशत नतिजापछि इङल्यान्ड समूह ‘ए’ को विजेताको रुपमा क्वार्टरफाइनल प्रवेश गरेको थियो भने स्पेन समूह ‘बी’ को उपविजेताको रुपमा अन्तिम आठमा प्रवेश गरेको थियो ।
दोस्रो क्वार्टरफाइनलमा आज जर्मनी र अस्ट्रिया आमने सामने हुँदैछन् । त्यस्तै स्विडेन र बेल्जियम तथा साविकको विजेता नेदरल्यान्ड्स र फ्रान्सले पनि क्वार्टरफाइनलमा प्रतिस्पर्धा गर्नेछन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
