काठमाडौं । पूर्व अर्थमन्त्री जनार्दन शर्माले बजेट निर्माणमा अनधिकृत व्यक्तिको संलग्नातलाई अस्विकार गरेका छन् ।
बिहीबार संसदीय छानविन विशेष समितिमा उपस्थित भएर शर्माले बजेट निर्माणमा अनधिकृत व्यक्तिको प्रवेश नै नभएको दाबी गरेका हुन् ।
पूर्व मन्त्री शर्माले यसअघि संसदलगायत ठाउँमा बोलिरहेका अभिव्यक्ति नै छानबिन समितिमा पनि दोहो¥याएको बताइएको छ ।
अनधिकृत व्यक्तिको प्रवेशबारे आफ्नो कुरा पत्यार नलागे सुरक्षाकर्मी र मर्यादापालकसँग सोध्न सकिने शर्माको भनाई छ ।
समितिमा उनले सीसीटीभीमा फुटेज स्टोरेजको अवधि आफूलाई थाहा नभएको भन्दै सिसिटीभीले कहिलेसम्मको दृश्य राख्न सक्छ भन्ने विषयमा आफु जानकार हुने विषय नै भएको दाहोराए ।
साथै उनले यसबारेमा विज्ञहरुसँगै सोधपुछ गर्दा राम्रो हुने भन्दै आफुले कसैलाई पोस्ने काम नगरेको उल्लेख गर्दै अर्थ मन्त्रालयकै अधिकारीहरूले स्थापित विधि, सिद्धान्त, मान्यताका आधारमा बजेट निर्माण गरिएको शर्माको जिकिर गरे ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
