एजेन्सी । इराकको राजधानी बग्दादमा उच्च सुरक्षा घेरा तोडेर प्रदर्शनकारीहरू संसद् भवन प्रवेश गरेका छन् ।
धर्मगुरु मुक्तदा अल–सदरका समर्थकहरूले प्रधानमन्त्रीमा विपक्षी उम्मेदवारको विरोधमा प्रदर्शन गर्दै संसद् भवन प्रवेश गरेका हुन् ।
संसद् भवन प्रवेश गर्न खोज्नेहरूलाई सुरक्षाकर्मीहरूले रोक्ने प्रयास गरे पनि नसकेको र ठूलो भीड संसद भवनभित्र छिरेको अन्तर्राष्ट्रिय सञ्चारमाध्यमहरूले जनाएका छन् ।
सामाजिक सञ्जालहरूमा सार्वजनिक भएका भिडियो र तस्वीरहरूमा प्रदर्शनकारी संसद भवनभित्र नाचगान गरेको र टेबलहरूमा सुतेको देखिन्छ ।
प्रधानमन्त्रीमा उम्मेदवारी दिएका मोहम्मद अल सुदानी इरानसँग धेरै निकट रहेको भन्दै सदर समर्थकहरू विरोधमा उत्रिएका बताइएको छ ।
प्रदर्शनकारीहरू प्रवेश गरेको समयमा संसद् भवनमा कुनै पनि सांसदहरू उपस्थित थिएनन् ।
गत अक्टोबरमा भएको आम निर्वाचनमा सदरको पार्टीले सबैभन्दा धेरै सिट जिते पनि सरकार बनाउन सकेको छैन ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
