काठमाडौं । जनता समाजवादी पार्टीका अध्यक्ष उपेन्द्र यादवले राष्ट्रपति विद्यादेवी भण्डारीले नागरिकता विधेयक फिर्ता गरेर गल्ती गरेको बताएका छन्।
यादवले एमाले अध्यक्ष केपी शर्मा ओली प्रधानमन्त्री हुँदा ल्याएको अध्यादेश पारित गर्ने राष्ट्रपतिले त्यही अध्यादेशमा भएको व्यवस्था हुबहु राखेर विधेयक पठाउँदा फिर्ता गर्नु गलत भएको प्रतिक्रिया दिए।
‘अध्यादेशमा त्यही लाइन आउँदा प्रमाणीकरण गर्ने, अहिले त्यही कुरा हुबहु राखेर संसदले प्रमाणित गरेर पठाउँदा फिर्ता किनरु’ यादवले प्रश्न गर्दै भने, ‘नागरिकता पाएका सन्तानले नागरिकता पाउने संविधानको व्यवस्था विरोधी काम राष्ट्रपतिबाट भयो, यो गलत छ।’
संसदको दुबै सदनबाट पास भएर सभामुख अग्नि सापकोटाले प्रमाणित गरेको नागरिकता विधेयक १५ साउनमा राष्ट्रपति कार्यालय पठाइएको थियो। तर, राष्ट्रपतिले १५ दिनपछि विधेयक फिर्ता गरेर पुनः संसदमा फर्काइदिएकी छन्।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
