काठमाडौं । राष्ट्रिय प्रजातन्त्र पार्टी राप्रपाको केन्द्रीय कार्यसम्पादन समितिको बैठक आज बस्दैछ।
आगामी मंसिर ४ गते तोकिएको प्रदेश सभा र प्रतिनिधि सभा सदस्य निर्वाचन तयारी, आवश्यक रणनीतिलगायत विषयमा बैठक बस्न लागेको हो ।
धुम्बाराहीस्थित केन्द्रीय कार्यालय बस्ने बैठकमा आसन्न निर्वाचन, निर्वाचन तयारीका लागि विभिन्न समिति निर्माण, प्रधानमन्त्री शेरबहादुर देउवालाई बुझाएको २२ बुँदे माग सम्बन्धमा जारी आन्दोलनको समीक्षालगायत विषयमा छलफल हुने बताइएको छ ।
साथै बैठकमा अध्यक्ष राजेन्द्र लिङ्देन र एमाले अध्यक्ष केपी शर्मा ओलीबीच बालकोटमा भएको भेटवार्ता र एमालेसँगको तालमेलको विषयले पनि प्राथमिकता पाउने नेताहरुले जनाएका छन् ।
२०७४ सालको निर्वाचनमा एमालेसँग चुनावी तालमेल गरेको राप्रपाले आगामी चुनावमा पनि एमालेसँगै तालमेल गर्ने संभावना रहेका बेला आजको बैठकलाई महत्वका साथ हेरिएको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
