कञ्चनपुर-३ मा राप्रपाका कार्यकर्ता भन्छन् एमालेलाई भोट दिनु भन्दा कम्प्युटरमा भोट दिन्छौ

टाउकाको मुल्य तोक्नेलाई भोट नदिने माओवादी कार्यकर्ताको भनाई

कञ्चनपुर । कञ्चनपुर निर्वाचन क्षेत्र ३मा सत्ता गठबन्धन दल(काँग्रेस–माओवादी) र विपक्षी गठबन्धन दल नेकपा एमाले र राप्रपाविच गठबन्धन भएको छ । सत्ता गठबन्धनबाट क्षेत्र ३संघ तर्फ काँग्रेस केन्द्रीय सदस्य पुर्वमन्त्री रमेश लेखक, ३(क) माओवादी केन्द्रीय सदस्य एव संविधान सभा सदस्य टेकेन्द्र प्रशाद भट्ट र ३(ख)मा काँग्रेस दोधाराचाँदनीका खम्बा बेल बहादुर राना अघि सारेको छ ।
विपक्षी गठनबन्धन संघ तर्फ एमाले पोलिट्ब्यूरो निर्वतमान संसद निरुदेवी पाल, ३९क०मा एमालेले राप्रपाका पुर्व प्रधानपञ्च धर्मराज जोशी र ३(ख)मा भीमदत्त नगरका निर्वतमान मेयर एव एमाले जिल्ला अध्यक्ष सुरेन्द्र विष्टलाई अघि सारेको छ ।

यस्तै मौलिक जरोकिलो पार्टीले राजनीति शास्त्रबाट स्नातक गरेका त्यहिका स्थानिय युवा नेता त्रिलोक जोशीलाई क्षेत्र न ३ बाटै अघि सारेको छ । संगितप्रेमी, विकास प्रेमी समान्य परिवारमा जन्मिएका जोशी कांग्रेस नेता रमेश लेखक र एमालेकी नेतृ निरु पालसंग प्रतिस्पर्धा छन् । उनले हिन्दु सनातन राष्ट्र, किसानले वर्षौ देखी भोग्दै आएका समस्या र आफ्नो मौलिकतालाई संरक्षण गर्नु पर्छ भन्दै जनताको आधारभुत समस्यालाई मुख्य एजेण्डा बनाएर अघि बढेका छन् । यस्तो अवस्थामा यो क्षेत्रका विभिन्न पार्टी केन्द्रित मतदाता भने अलमलमा छन् ।

३(क)मा एमाले कम्युनिष्ट पार्टीका नेता कार्यकर्ता पाटी परित्याग गरिरहेका छन । पार्टीले राजावादीसंग साँठगाँठ गरिरहेको भन्दै राजावादीलाई जिताउनु भन्दा कम्युनिष्ट गरिबको छोरो टेकेन्द्र भट्टलाई जिताउने भन्दै धमाधम एमाले पाटी परित्याग गरिरहेका छन ।

मतदाता अलमलमा

उता राष्ट्रिय प्रजातन्त्र पाटीमा पनि वितिष्णा फैलिएको छ । राप्रपाका कतिपय कार्यकताहरु एमाले (कम्युनिष्ट) लाई भोट दिनु भन्दा हाम्रो मौलिकता जोगाउने युवा नेता लाई साथ दिने बताइरहेका छन् । राप्रपाका एक कार्यकर्ता निरन्जन शाह भन्छन्, त्रिलोक जोशी नयाँ हुन् । उनले कतै नराम्रो गरेको सुनिएको छैन । शाह भन्छन्, सुनेको छु, उनले धर्म रक्षा र मौलीकताको संरक्षण गर्ने भन्दै हिडेका छन् रे, मैले त अहिलेसम्म भेटेको छैन तर, उनको अन्तवार्ता हेरे । अनि हामी मुलुकमा धर्मनिरपेक्षता लाद्ने, राजसंस्था फाल्ने दलहरुलाई किन भोट दिनु ? यसपाली मेरो र मेरो घरको भोट कम्प्युटरमै दिने निर्णय गरिसके,, उनले भने ।

राप्रपाकै अर्का युवा नेता भन्छन्, त्रिलोक जोशीलाई म राम्रो सं चिन्छु । उहाँ अँठोला खानदानको ज्योतिषको छोरा , उहाँको परिवार नै एक स्वच्छ छबि भएको हो भने पक्कै पनि उहाँ कञ्चनपुरवासीका लागि योग्य र इमानदार नेता हुनुन्छ । सबै राप्रपा हु भन्नेहरुले उहाँलाई नै भोट दिन हुन आग्रह गर्दछु, । 

यस्तै नेकपा माओवादी केन्द्रका मतदातापनि नेपाली कांग्रेसलार्य मतदान नगर्ने बताउदै आएका छन् । उनिहरु भन्छन्, गठबन्धन हामी जान्दैनौ । हाम्रो नेतृत्वको टाउकाको मुल्य तोक्नेलाई हामी भोट दिदैनौ । बरु नयाँ अनुहार हेरिन्छ, विकल्प खोजिन्छ, । कञ्चनपुरमा यि र यस्ता सयौँ कार्यकर्ता पार्टीको निर्णयप्रति रुष्ट भएको पाइएको छ । उनिहरु पार्टीको सिद्धान्त विपरित एमालेसंग तालमेल गरेको भन्दै आफ्नो भोट स्वविवेकले दिने बताउदै आएका छन् ।

प्रत्येक पालिकामा आविष्कार र अनुसन्धान केन्द्र खोलेर स्वदेशमै रोजगार श्रृजना गर्ने, आइटी क्षेत्रमा युवालाई प्रोत्साहन गर्ने, कृषि र पर्यटनलाई जोड दिने मौलिक जरोकिलो पार्टीबाट कम्पयुटर चुनाव चिन्ह लिएर चुनावी मैदानमा उत्रिएका युवा नेता तिलोक जोशीको मुख्य उद्देश्य हो।