सुर्खेत । नक्कली डाक्टर बिरामीको उपचार गरिरहेकै अवस्थामा पक्राउ परेका छन् । अर्कैको काउन्सिल दर्ता नम्बर राखेर शुभलक्ष्मी अस्पतालमा आफ्नो नामको साइनबोर्ड झुण्ड्याएर बिरामीको उपचार गर्दै आएका नक्कली डाक्टर दीपेन्द्र काफ्ले पक्राउ परेका हुन् ।
प्रहरीले उनलाई बिरामीको उपचार गरिहेको अवस्थामा पक्राउ गरेको हो । काफ्ले नक्कली डाक्टर भएको उजुरी परेपछि प्रहरीको केन्द्रीय अनुसन्धान ब्युरो सीआईबीले उनीबारे छानविन गरिरहेको थियो । सीआईबीको छानविनपछिको निर्देशन र नेपाल मेडिकल काउन्सिल बाँसबारीको फागुन ५ गतेको पत्र अनुसार काफ्लेलाई पक्राउ गरिएको सुर्खेत प्रहरीले जनाएको छ।
नक्कली डाक्टर काफ्लेलाई पक्राउपछि जिल्ला प्रहरी कार्यालयमा राखिएको छ । काफ्लेबारे जिल्ला अदालतबाट ३ दिन म्याद थपको अनुमति लिइ अनुसन्धान थालिएको जिल्ला प्रहरी कार्यालयले जनाएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
