टेक्सस (अमेरिका) । गैर आवासीय नेपाली संघ, राष्ट्रिय समन्वय परिषद् अमेरिकाको आयोजनामा तेस्रो युवा सम्मेलन क्यालिफोर्नियाको सानफ्रान्सिस्को शहरमा यही फेब्रुअरी २५ मा हुने भएको छ ।
युवा वर्गलाई गैर आवासीय नेपालीको अभियानमा जोड्न र युवा सरोकारका मुद्दाहरुसँग एनआरएनएको सम्बन्ध स्थापित गर्ने अभिप्रायले संघले युवा सम्मेलन गर्दै आएको छ । युवाको नयाँ सोंच, योजना र उर्जालाई एकत्रित गरी मातृभुमी नेपालको विकास र समृद्दिमा समेत उपयोग कसरी गर्न सकिन्छ भन्ने सम्बन्धमा समेत छलफल हुने यस सम्मेलनले अमेरिकाभर नै छरिएर रहेका युवालाई एउटै संजालमा जोड्नका लागि काम गर्ने संघका युवा संयोजक तथा सम्मेलनका समेत संयोजक रहेका त्रिभुवल पाण्डेले जानकारी दिए ।
सम्मेलनलाई सफल पार्नका लागि संघका अध्यक्ष बुद्दिसागर सुबेदीको नेतृत्वमा एघार सदस्यीय सम्मेलन संचालन समिति निर्माण गरिएको तथा विभिन्न समितिहरु बनाईएको सचिव अनुप खनालले बताए । उनका अनुसार सम्मेलनमा प्रमुख अतिथिका नेपाली कांग्रेसका महामन्त्री गगन कुमार थापा आउनेछन् भने विभिन्न विषयमा विज्ञहरुको पनि सम्मेलनमा सहभागिता रहनेछ ।
संघले विभिन्न समयमा युवा लक्षित कार्यक्रम गर्दै आएको जानकारी दिदैं संघका उपाध्यक्ष एवं युवा विभाग प्रमुख सुमन थापाले यस युवा सम्मेलन निकै प्रभावकारी हुने विश्वास व्यक्त गरेका छन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
