नेपालको सार्वभौमिकतामै आँच आयो, अब मौन बस्दैनौं - राजा ज्ञानेन्द्र

काठमाडौं । राजा ज्ञानेन्द्र शाहले नेपाल निरन्तर अधोगतीतर्फ गएको भन्दै अब मौन नरहने बताउनु भएको छ ।

प्रजातन्त्र दिवसका अवसरमा शनिबार एक संदेश जारी गर्दै राजा शाहले करिब २० वर्षको अन्तरालमा देशमा अशान्ती, अस्थिरता बढ्दै गएको र अन्तराष्ट्रिय सम्मान तथा सार्वभौमिकतामा समेत आच आएको बताउँदै अब हेरेर बस्न नहुने उल्लेख गर्नु भएको हो । देशको वर्तमान अवस्थाका कारण भावी पुस्ता देशमा बस्नु भन्दा विदेशिन लालाहित हुँदै गएको उल्लेख गर्दै उहाँले भावी पुस्ताको लागि यस्तो भवाभय स्थिति श्रृजना हुँदै गर्दा देशभित्र धर्म संस्कृतिमाथी खुलम खुल्ला धावा बोल्न थालिएको समेत बताउनुभयो ।

राज्यसत्ताको बागडोर जसको हातमा पुगेपनि हाम्रो विद्यमान राज्य व्यवस्थाले जनताको सुख शान्ति र राष्ट्रले श्री समृद्धिमा कुनै योगदान दिन नसकेको उहाको बिचार छ । देश र जनता भन्दा दलगत, पारिवारिक र व्यक्तिगत लुट, लालच र जन्जालमा राजनीतिक दलका नेता फसेको भन्दै उहाले शासकीय उत्तर दायित्व र गाम्भिर्यको कमी देशभित्रका सवालमा मात्रै होइन परराष्ट्र सम्वन्धमा पनि देखिन थालेको स्मरण गराउनु भएको छ ।

उहाँले जातिय र क्षेत्रिय संवेदनशिलता बढेर गएको समेत राजा शाहको संन्देशमा उल्लेख छ । साथै उहाँले देश जोगाउन राजसंस्था र प्रजातन्त्रकालागि अपरिहार्य राजनीतिक दलहरु एक ठाउँ आउन समेत आग्रह गर्नु भएको छ । कमजोर मानसिकता बोकेको र चरम स्वार्थ केन्द्रीत अपरिपक्वको विदेशी नितिको अभ्यासले नेपालको सार्वभौमिक परिचयमै आँच आउन थालेको राजा शाहको बुझाइ छ ।