काठमाडौं । श्रावण महिनाको पहिलो सोमबार आज देशभरका शिवालयहरुमा भक्तजनको भिड लागेको छ ।
काठमाडौंको पशुपतिनाथ मन्दिर लगायतका शिवालयमा भगवान शिवको पूजा आजा गर्ने श्रद्धालु तथा बर्तालुहरुको भिड भिड लागेको हो ।
यससँगै पुरानो सिनामंगल स्थित नागेश्वर मन्दिरमा पनि बिहान देखि नै भक्तजनको घुइचो लागेको थियो । सोमबार बिहान ३ बजेदेखि मन्दिरका चारै ढोका खुल्ला गरिएसंगै श्रद्धालु भक्तजनहरूको ठूलो घुइचो लागेको हो ।
यतिबेला आकाशको पानी परिरहेको छ तरपनी मन्दिरमा असंख्य भक्तजनको उपस्थिति रहेको छ । मन्दिरका चारै ढोकाबाट पुजारीहरूले जलप्रसाद वितरण गर्न भ्याइ नभ्याई भएको छ ।
मन्दिर परिसरमा दर्शनार्थीहरूलाई सुरक्षाको राम्रो प्रबन्ध गरिएको छ भने भक्तजनको सुविधाको लागि व्यवस्थापन समितिले आवस्यक प्रबन्ध गरेको छ । भगवान शिवको १२औं ज्योतिर्लिङ्ग नागेश्वरको दर्शन गर्नाले मुद्दा मामला झन्झट मुक्त हुन्छ भन्ने शास्त्रीय मान्यता रहि आएको छ।
प्राचीन, मन्दिरको स्थापना सरदार बाकसिंह राय ले बि स १८८१ मा गरेका थिए। सो मन्दिर क्षेत्र त्रिभुवन विमानस्थलको धावन मार्ग परेपछि हालको ठाउँमा स्थान्तरण गरिएको हो। हाल मन्दिरको व्यवस्थापन बाकसिंह रायका वंशज एवं वरिष्ठ समाजसेवी तथा राजनीतिक विश्लेषक प्रकाश रायमाजीले गरिरहेका छन्।
यस्तै बालाजुको डुग्रानी पानीमा रहेको बाणेश्वर महादेव मन्दिरमा पनि पूजा प्रबन्ध भइरहेको छ। त्यहाँ पनि श्रद्धालु भक्तहरूलाई दर्शन तथा पूजाको निमित्त उचित व्यवस्था छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
