धनगढी । नेपाली कांग्रेसका नेता डा.शेखर कोइरालाले पार्टी सभापति शेरबहादुर देउवासँग कुनै किसिमको असमझदारी नभएको बताएका छन् ।
सुदूरपश्चिम भ्रमणको लागि शुक्रबार धनगढी पुगेका नेता कोइरालाले विमानस्थलमा संचारकर्मीसँग कुरा गर्दै यस्तो बताएका हुन् । सभापति सबैको साझा व्यक्ति हुनुहुन्छ, उनले भने, उहाँसंग कुनै किसिमको असमझदारी छैन । बाहिर आउने कुरामा सत्यता छैन ।
उनले पार्टी महामन्त्री गगन थापासंग पनि कुनै विवाद नरहेको बताए । कोइरालाले १५औँ महाधिवेशनका लागि आफू स्वभाविक सभापतिको दाबेदार रहेको बताए । यस्तै कोइरालालाई धनगढी विमानस्थलमा १५ किलोको मालाले स्वागत गरिएको छ ।
नेता कोइरालालाई आगामी १५ औँ महाधिवेशनमा सभापतिका लागि अग्रिम शुभकामना स्वरुप कांग्रेसका महाधिवेशन प्रतिनिधि तेजबहादुर खडकाले १५ किलोको माला लगाइएको बताए ।
पार्टी सभापति देउवाको गृहजिल्ला डडेल्धुराको एक टिमले माला लगाएको हो । कोइराला धनगढीमा हुँदा महाधिवेशन केन्दित कार्यक्रममा व्यस्त रहनेछन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
