काठमाडौँ- राजा ज्ञानेन्द्र शाह पोखराबाट आइतबार अपराह्न काठमाडौँ आइपुगेपछि त्रिभुवन विमानस्थलबाहिर निस्कँदा हजारौँ समर्थकहरूले उहाको स्वागत गरेका छन्।
विमानस्थलबाट बाहिर निस्कने क्रममा राजालाई हजारौँ समर्थकहरूले स्वागत गर्दै उहाँको गाडी अगाडि बढाइरहेका छन्। उहाँ समिट एयरको चार्टर्ड विमानबाट काठमाडौँ आइपुग्नु भएको हो ।
राजसंस्था समर्थकहरूले ‘हाम्रो राजा, हाम्रो देश, प्राणभन्दा प्यारो छ’, राजा आऊ देश बचाऊजस्ता नाराहरू लगाएका थिए। काठमाडौँस्थित त्रिभुवन विमानस्थल उत्रिएपछि उहाले विमानस्थलको अति विशिष्ट कक्षमा राप्रपाका अध्यक्ष राजेन्द्र लिङ्देन, अन्य नेताहरू पशुपतिशमशेर जबरा, प्रकाशचन्द्र लोहनी र अर्का नेता कमल थापालगायतसँग छलफल गर्नुभएको थियो ।
राजा शाहको स्वागतका लागि विमानस्थल बाहिर हजारौंको संख्यामा उहाका समर्थकहरू भेला भएका छन्। उनीहरूले राजा शाहलाई र्याली, झाँकी र बाजागाजासहित निर्मल निवाससम्म लैजान लागेका हुन्।
बिहानैदेखि राजसंस्थाका समर्थकहरू विमानस्थल वरपर जम्मा भएका हुन्। राजाको स्वागत गर्नकालागी विमानस्थलवरिपरि पुग्न राप्रपा र अन्य राजा समर्थकहरूले पनि सर्वसाधारणहरूलाई आह्वान गरेका थिए।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
