कोशी प्रदेश सांसद राईको पहलमा डा. शर्माले गरे मानबहादुर खड्काको निःशुल्क उपचारको व्यवस्था

काठमाडौं । इलाम, सूर्योदय नगरपालिका-९ का ६१ वर्षीय मान बहादुर खड्का आर्थिक अभावका कारण लामो समयदेखि उपचार नपाएर पीडित थिए। यो विषय इलामका प्रदेश सांसद तथा पूर्व कोशी प्रदेशका आन्तरिक मामिला तथा कानून मन्त्री सम्सेर राईको नजराना आयो।

आफ्नै निर्वाचन क्षेत्रका नागरिक उपचार नपाएर दुःख भोगिरहेको थाहा पाएपछि सांसद राई स्वयं बिरामीको घर पुगे । बिरामीको अवस्था देखेर उनले नेपाली कांग्रेसका युवा नेता तथा प्रतिनिधि सभा सांसद डा. सुनिल शर्मालाई जानकारी गराएपछि सांसद शर्माले खबर सुन्नासाथ मान बहादुर खड्कालाई काठमाडौं मेडिकल कलेज (KMC) ल्याउन आग्रह मात्रै गरेनन निशुल्क उपचारको व्यवस्था गरिदिने समेत बताए। अहिले शमशेर राईको पहलमा बिरामीलाई काठमाडौं ल्याइएपछि  KMC मा उपचार प्रक्रिया सुरु भइसकेको छ।

डा. सुनिल शर्मा नेतृत्वको काठमाडौं मेडिकल कलेजले देशका ग्रामीण तथा दुर्गम भेगका जनताहरूलाई लक्षित गरी निरन्तर निःशुल्क स्वास्थ्य शिविरहरू सञ्चालन गर्दै आइरहेको छ। शिविरबाट सुदूरपूर्वदेखि सुदूरपश्चिमसम्म, स्वास्थ्य शिविरमार्फत लाखौं विपन्न नागरिकहरूले गुणस्तरीय सेवा प्राप्त गर्दै आएका छन्। शिविरमा सम्भव नभएका जटिल केसहरूलाई उनले काठमाडौं मेडिकल कलेज र नोबेल मेडिकल कलेजमा निःशुल्क उपचारको व्यवस्था गर्दै आइरहेका छ्न।

उता, डा. शर्माले आफ्नो निर्वाचन क्षेत्रका नागरिकहरूलाई कुनैपनी राजनीतिक परिवेश नहेरी नोबेल मेडिकल कलेजमा निःशुल्क क्याबिनको व्यवस्था मिलाएका छन । आर्थिक रूपमा कमजोर बिरामीहरूका लागि काठमाडौं मेडिकल कलेजमा समेत यस्तै व्यवस्थाहरू गरिएको छ।

उनले आफ्नो जीवन समाजसेवा र मानवताको निम्ति समर्पित गर्दै आएका कारण स्वास्थ्य सेवाबाट बञ्चित नागरिकहरूका लागि उनी आशाको दियो बनेका छन । यस्ता समाजसेवी पहलहरूले लाखौं नेपालीहरूलाई गुणस्तरीय स्वास्थ्य सेवामा पहुँच पु-याउँदै समाजमा सकारात्मक प्रभाव पारिरहेको सर्वसाधारण बताउछन् ।