सरकारलाई निषेधको राजनीति नगर्न भाष्करराज कर्णिकार, मनिषा कोइराला सहित ३२ जना अगुवाको अपिल

चैत १५, २०८१

कालापानी मिडिया

काठमाडौं । सरकारलाई निषेधको राजनीति नगर्न अपिल गर्दै केही सामाजिक अगुवाले अपिल गरेका छन्।

प्रजातान्त्रिक व्यवस्थामा निषेध किमार्थ स्वीकार्य हुन सक्दैन भन्दै भाष्कर राजकर्णिकार, कुशकुमार जोशी, भवानी राणा, मनिषा कोइराला, टिकाराम यात्री, युवराज घिमिरे, जीवरामभण्डारी, स्वागत नेपाल, सर्वेन्द्र खनालसहित ३२ जना अगुवाले ६ बुँदे अपिल गरेका हुन्।

अपिलको अन्तिम बुँदामा भनिएको छ, ‘प्रजातान्त्रिक व्यवस्थामा निषेध किमार्थ स्वीकार्य हुन सक्दैन, राज्यसत्ता र त्यसको नेतृत्वमा रहेकाहरुको वर्तमानको गतिविधिले निषेधको तृष्णा देखाउँछ। हामी तपशीलका विभिन्न संस्था र विधामा अबद्ध व्यक्तिहरु सरोकारवालालाई सतर्क र सचेत पनि गराउन चाहन्छौँ। यदि परिस्थिति नियन्त्रण बाहिर जाने अवस्था भयो भने यसको जिम्मेवार स्वयम् सरकार हुनेछ।’

अपिल गर्नेमा पूर्व सचिव, पूर्व सुरक्षा प्रमुख, उद्योग वाणिज्य महासंघका नेतृत्वदायी व्यक्तित्वहरु, प्रमुख सञ्चार माध्यमका प्रमुख र वरिष्ठ पत्रकारहरु, चिकित्सक, वरिष्ठ कलाकर्मी तथा साहित्यकार एवम् कूटनीतज्ञहरु समेत सम्मिलित राष्ट्रिय जीवनका विविध क्षेत्रका विशिष्ठ व्यक्तित्वहरु रहेका छन ।

अपिल यस्तो रहेको छ ।

३. आन्दोलनलाई अनियन्त्रित हुन नदिन सरकारपक्षबाट यथाशीघ्र सहमति, वार्ता र संवादका लागि आह्वान गर्न हामी अपिल गर्दछौं ।

४. जनताका शान्तिपूर्ण आवाज र मागहरुविरुद्ध राजनीतिक नेतृत्व तथा सरकारी तहबाट अशिष्टि अभिव्यक्ति तथा प्रतिकारात्मक गतिविधि एवं बल समेत प्रयोग नगर्न समेत अनुरोध गर्दछौं ।

५. साथै यस सन्दर्भमा राष्ट्रिय, अन्तर्राष्ट्रिय मानवअधिकारवादी संघसंस्था, पर्यवेक्षकहरुलाई निष्पक्ष तथा विवेकपूर्ण अनुगमनका लागि हार्दिक अपिल गर्दछौं ।

अपिल गर्ने तथा ऐक्यबद्धता जनाउनेहरुमा तपशिलका जाहेरकर्ता रहेका छन ।

१. भाष्कर राज राजकर्णिकार

२ भवानी राणा

३ विनोद बहादुर श्रेष्ठ

४ राजाराज गिरि

५ दीपक गिरि

६ युवराज घिमिरे

७ कुश कुमार जोशी

८ मनिषा कोइराला

९ अनिल जोशी

१० किशोर थापा

११ भीम उदास